АҞӘА, мшаԥы 5 — Sputnik. ЕАШ (США) асанкциа ҿыцқәа агәҭакуп. Иара иаҵанакыр ҟалоит фҩык рҟынӡа абизнесуаа, "алхрақәа рхы ахьрыларгалаз" инадҳәаланы ҳәа аанацҳауеит РИА Новости, ателеканал Fox News адыррақәа ҵаҵӷәыс иҟаҵаны.
Уаанӡа США аҳәынҭмаӡаныҟәгаҩ Рекс Тиллер аҳәамҭа ҟаиҵахьан Урыстәыла аганахь ала асанкциақәа алагалахозар урҭ Вашингтон аекономикатә интересқәа рыхьчароуп иззырхахо ҳәа.
Тиллер иҳәеит абри аус аганахь ала раԥхьатәи ашьаҿақәа шыҟаҵо. Убас, аус зуа азакәанԥҵара инақәыршәаны урыстәылатәи арратә техника аҭиразы еилаӡарақәак еиԥырҟьан.
"Кремльтәи асиа", ажьырныҳәамзазы США Афинансқәа рминистрра иакьыԥхьыз, аҟны рыхьӡ ҳәан 210-ҩык анаплакыҩцәа. Уаанӡатәи адырраҭарақәа рыла, США Роберт Миуллер апрокурор 13-ҩык урыстәылауааи аилахәырақәа хԥеи ақәыӡбара рыҭан "США иаҿагыланы аиқәшаҳаҭра" ахәҭаҷи "аԥаршеимҩаԥгара" ахәҭаҷи инарықәыршәаны.
