АҞӘА, мшаԥы 6 — Sputnik. Аԥсны Ахада Рауль Ҳаџьымба Иусԥҟала Баҭал Ҳагәышь Аԥсны абызшәатә политиказы Аҳәынҭқарратә Еилакы ахантәаҩыс дҟаҵоуп ҳәа аанацҳауеит Ахада иофициалтә саит.
"Аԥсны абызшәатә политиказы Аҳәынҭқарратә Еилакы ахантәаҩы Ломиа Нурбеи Валико-иԥа ирзаҳал инақәыршәаны инапынҵақәа рҟынтәи ихы дақәиҭтәызааит", — ҳәа аҳәоит Аԥсны Ахада Рауль Ҳаџьымба Иусԥҟа.
Аԥсны Ахада Иусԥҟала Баҭал Ҳагәышь Аԥсны абызшәатә политиказы Аҳәынҭқарратә Еилакы аиҳабыс дҟаҵоуп.
Нурбеи Ломиа Аԥснытәи Аҳәынҭқарратә университет доушьҭымҭоуп. 2003 – 2005шш. рзы аус иуан Аԥснытәи ателерадиоеилахәыра акорреспондентс. 2003 ш. инаркны Д. Гәлиа ихьӡ зху АБИГИ аҟны аус иуан. Аԥсны абызшәатә политиказы Аҳәынҭқарратә Еилакы анапхгара дахагылеит 2016 шықәса цәыббра 5 рзы.
Баҭал Ҳагәышь — Аԥснытәи Аҳәынҭқарратә университет афилологиатә факультет адекан, афилологиатә наукақәа ркандидат.
