АҞӘА, мшаԥы 6— Sputnik. Аԥсны Ахада Рауль Ҳаџьымба аилацәажәара мҩаԥигеит ахәаша, мшаԥы 6 рзы амармалташьтә пты алаҵәара азҵаара иазкны. Ахада аилацәажәара алахәылацәа рнапы ианиҵеит аусура дырӷәӷәарц. Абри атәы аалыцҳаит Ахада ипресс-маӡаныҟәгаҩ Наала Аҩӡԥҳа.
"Аԥсны Ахада Рауль Ҳаџьымба аилацәажәара мҩаԥигеит ахәаша, мшаԥы 6 рзы амармалташьтә пты алаҵәара азҵаара иазкны. Ахада аилацәажәара алахәылацәа рнапы ианиҵеит аусура дырӷәӷәарц, ашҳам маҭәашьарқәа рхархәаразы аинформациа еиҳа инарҭбааны ирыладырҵәарц, есымчыбжьа русура аганахь ала аҳасабырбақәа ҟарҵаларц", — лҳәеит Ахада ипресс-маӡаныҟәгаҩ Наала Аҩӡԥҳа.
Амармалташьтә пты Амшынеиқәа аԥшаҳәахьы ицәырҵит ԥшьышықәса раԥхьа. Аекологцәа ишырҳәо ала иахьатәи аамҭазы иара иаҿагыло методикак алкааны ишьақәыргылам.
Аптқәа цәырҵит иара убасгьы Новоросиискии Шәачеи ақалақьқәа рҟны.
