АҞӘА, мшаԥы 17– Sputnik. Автомашьынақәа BMW Audi анеиҿас ашьҭахь BMW аихатәы шьаҟа иаахеит. Амашәыр иалахәыз зегьы рыԥсы ҭаны инхеит ҳәа рҳәеит Гагра ақалақь аҳәынҭавтоинспекциа аҷаԥшьаратә хәҭаҿы.
"Зегь рыԥсқәа ҭоуп. Автомашьына BMW аԥсҟы зкыз, 1991 шықәса рзы ииз Адамыр Агрба ахәышәтәырҭахь днагоуп. Аҳақьымцәа ражәақәа рыла иԥсҭазаара ашәарҭара иҭагылам. Амашәыр ҟалеит Гагра араион Бзыԥ аҳаблаҿы, мшаԥы 17, асааҭ 9:20 рзы", — иҳәеит аҷаԥшьаратә хәҭа аҷаԥшьаҩ.
Гагратәи ахәышәтырҭаҿ ишырҳәаз ала Агрба иԥсҭазаара ашәарҭара иҭагылам, Ареспубликатә хәышәтәырҭахь диагоуп.
