АҞӘА, мшаԥы 18— Sputnik. Америка иҟоу Урыстәыла Ахаҭарнакрахь инеиит Дональд Трамп иҟаиҵаз аҳәамҭа, асанкциа ҿыцқәа шалагаламхо азы. Абри атәы аанацҳауеит РИА Новости.
Амҽыша, ООН иҟоу Америка ахаҭарнак Никки Хеили аҳәамҭа ҟалҵеит Вашингтон Москва Шьамтәылатәи ахҭысқәа инарыдҳәаланы аԥкырақәа аднагалар алшоит ҳәа. Лара лажәақәа рыла аԥкырақәа ирыҵаркуеит Дамаск ахимиатә бџьар аԥҵара алзыршаз атехнологиақәа знапы рылаку аилахәырақәа.
Урыстәылеи Шьамтәылеи мап ахырҳәаауеит Дума ақалақь аҿы ахимиатә жәылара мҩаԥган ҳәа ирҳәо.
Уаанӡа ЕАШ, Британиа, Франциа аракетақәа рыла Шьамтәыла аиҳабыратә хыбрақәа иреихсит. Асабша, асааҭ 3.42 инаркны асааҭ 5.10 рҟынӡа Шьамтәыла иалажьын 100 инарзынаԥшуа ракета.
Абри аганахь ала ООН иҟоу ЕАШ (США) ахаҭарнак ҷыда Никки Хеили илҳәеит
"Иаҭахханы иҟалар Америка аҽазныкгьы Шьамтәыла иажәлоит. Ҳара ҳазыхиоуп аҽазныкгьы шьамтәылатәи арежим аҭыԥ арбара. Дональд Трампи сареи ҳаицәажәараан иара иҳәеит шьамтәылатәи арежим аҽазныкгьы ахимиатә жәылара мҩаԥнагар дшазыхио иракетақәа уахь рынашьҭра" ҳәа.
ЕАШ (США), Британиа, Франциа асабша ашьыжь аракетақәа рыла Шьамтәыла аиҳабыратә хыбрақәа иреихсит. Асааҭ 3.42 инаркны асааҭ 5.10 рҟынӡа Шьамтәыла иалажьын 100 инарзынаԥшуа ракета.
Урыстәыла арратә мчрақәа аҭагылазаашьа рхы аларымгалеит. Урыстәыла Ахада Владимир Путин ахҭыс исуверентәу аҳәынҭқарра агрессиа азҭо хҭысуп ҳәа азиҳәеит.
