Шәача Ахада ихаҭыԥуаҩ даанкылоуп

© Фото : Администрация города Сочи Мугдин Чермит (слева)
Мугдин Чермит (слева) - Sputnik Аҧсны
Анапаҵаҩра
Шәача Ахада ихаҭыԥуаҩ даанкылоуп. Иара хараны идырҵоит изинмчрақәа ирхырҳәҳәаны ахымҩаԥгара.

АҞӘА, мшаԥы 19 – Sputnik. Краснодартәи атәылаҿацә афедералтә шәарҭадаратә маҵзура аусбарҭа аусзуҩцәа мшаԥы 18 рзы дааныркылеит Шәача ақалақь Ахада ихаҭыԥуаҩ Мугдин Чермит. Абри атәы аанацҳаит "Сочи Экспресс".

"Шәача Ахада ихаҭыԥуаҩ даанкылоуп. Иара хараны идырҵоит изинмчрақәа ирхырҳәҳәаны ахымҩаԥгара" ҳәа аҳәоит адырраҭараҟны.

Ақалақь ахадара ахыбраҿы имҩаԥган аусҭҵааратә уснагӡатәқәа, Чермит икабинет аҟынтәи адокументқәа аусбарҭахь ииаган.

"Сочи Экспресс" адыррақәа рыла Чермит иаанкылара адҳәалазар алшоит хаԥышәала иргылаз аҩны. Иара убасгьы иҟоуп агәаанагара обиект аргыларазы ачынуаҩ закәаншьаҭада адокументқәа риҭеит ҳәа.

Чермит ақалақь Ахада ихаҭыԥуаҩыс дҟалеит 2016 шықәса рзы.

Ажәабжьқәа зегьы
0