Иалта Адгәыр Арӡынба Шьамтәыла аекономика аминистр диԥылеит

© Фото : mineconom-raАдгур Ардзинба встретился с сирийским коллегой
Адгур Ардзинба встретился с сирийским коллегой - Sputnik Аҧсны
Анапаҵаҩра
НовостиTelegram
Аԥсны Аҳәынҭқарра аделегациа алахәуп 2018 шықәса мшаԥы 19-20 рзы имҩаԥысуа IV Иалтатәи жәларбжьаратәи аекономикатә форум аусура.

АҞӘА, мшаԥы 20 – Sputnik.  Афорум аусураа ҳәаақәа ирҭагӡаны Аԥсны аекономика аминистр Адгәыр Арӡынба диԥылеит Шьамтәыла аекономикеи адәныҟахәаахәҭреи рминистр Самер Халил. Абри атәы аанацҳауеит Аекономика аминистрра аофициалтә саит.

Шьамтәыла аекономикеи адәныҟахәаахәҭреи рминистр Самер Халил иазгәеиҭеит Аԥсны аекономикатә форум алахәра аҵакы аманы ишыҟоу.

"Ҵыԥх, ҳаиԥылараан ҳара ҳалацәажәеит ҳаизыҟазаашьақәа рыҿиара аԥеиԥш. абри аганахь ала ҳусурақәа шьақәҳаргылалароуп. Усҟан ҳара ҳаиԥылеит Дамасктәи жәларбжьаратәи аиармарка амҩаԥысраан. Ҳара ҳзы акраҵанакуаны иҟан Аԥсны ихазу апавильон аманы иахьыҟаз", — иҳәеит иара.

Муҳаммед Самер Халил Аԥсны ааԥхьара аиҭеит сынтәагьы Дамаск имҩаԥысраны иҟоу жәларбжьаратәи аиармаркахь.

Ялтинский международный экономический форум. День первый - Sputnik Аҧсны
Гәылиа: аԥышәа рымаадоит, ҳаиныруеит

Аԥсны Аекономикаа министр иҳәеит аусеицура ԥхьаҟагьы ихымԥадатәины дшахәаԥшуа.

"Агәахәара ҳнаҭоит абра ҳаиқәшәара. Уаанӡатәи ҳаиԥылараан ҳҳәынҭқаррақәа рыбжьара аизыҟазаашьа ҭышәынтәалақәа рышьақәыргылара ҳалацәажәон. Аусура аҭахуп ҳхықәкқәа рынагӡаразы", — иҳәеит Адгәыр Арӡынба.

Иара ҭабуп ахиҳәааит Дамасктәи жәларбжьаратәи аиармаркахь ааԥхьара ирырҭаз азы.

Адгәыр Арӡынба иҳәеит Аԥсны ажәлар Шьамтәылатәи ажәлар ишрыдгыло, рхьаа шрыцеиҩыршо.

Аԥсны Адәныҟатәи аусқәа рминистр Даур Ақаҩба шьамтәылатәи аделегациа ааиԥхьеит Аԥсныҟа, ахьыԥшымра азхаҵара 10-шықәса ахыҵреи аиааира 25 шықәса ахыҵреи разгәаҭараз иазыԥхьагәаҭоу ауснагӡатәқәа ирылахәхарц.

Ажәабжьқәа зегьы
0