АҞӘА, мшаԥы 21 — Sputnik. Аоппозициа алахәылацәа Саргсиан ахара идырҵоит хра амамкәа атәыла напхгара аиҭон, аекономикатә ҭагылазаашьа еицәеитәит ҳәа. Акциақәа уажәгьы имҩаԥысуеит ҳәа аанацҳауеит Sputnik Армения.
Мшаԥы 16, ашьыжь, асааҭ 8:15 инаркны Ереван аоппозициаа рықәгыларақәа рымҩаԥысра иалагеит. Амҩадуқәа аркхеит. Акциа рҽаладырхәит астудентцәа ҳәа аанацҳауан Sputnik Армениа.
Ермантәыла аполициа абри инадҳәаланы аҳәамҭа ҟарҵеит Апарламент адепутат Никола Пашиниани иара идгылаҩцәеи ауааԥсыра рымаҵ ауразы ихымԥадатәины иҟоу амҩадуқәа адыркит ҳәа. Убри инадҳәаланы ауааԥсыра рконституциатә зин – рхы иақәиҭны аиҭанеиҭаҵааиҭаҵра еилаган ҳәа ишьоуп.
"Аполициа агәҽанҵара руеит амитингқәа ауаажәларратә еиҿкаара анеиларго раанкылара алшоит ҳәа" аҳәон аполициаа иҟарҵаз аҳәамҭаҟны.
Мшаԥы 20 рзы апарламент адепутат Никол Пашиниан идгылаҩцәа Гиульбенкиан имҩаду ааныркылеит. Аҵыхәтәантәи амшқәа рзы аполициаа иааныркылахьеит 66-ҩык аопозиционерцәа.
Пашиниан акциа иҭынчу акциоуп ҳәа ахиҳәаауеит.
"Иахьатәи ҳагәҭакы наҳагӡар, "акадифа револиуциа" ахыркәшарахь инеит ҳәа иаҳшьар ауеит. Ҳара зегьы идҳарбароуп Серж саргсиан иаамҭа шцаз", — иҳәеит иара.
Аҿагыларатә акциа "Мой шаг" — адепутат Пашиниан иаԥшьгамҭоуп. Иара инақәыршәаны Ермантәыла зегьы шьапыла иахысуеит. Мышқәак рыла пашиниани идгылаҩцәеи 200 километра рҟынӡа иахысхьеит. Акциақәа мҩаԥган ақалақьқәа Гиумри, Ванадзор, Спитак, Дилижан, Абовиан.
Иара убри аан атәыла аиҳабыра еилыркаауеит ауааԥсыра агәынамӡарақәа шрымоу, уи аҳәара шырҭаху, аха уи иаанагом иҟауҵалак ҟалар алшоит ҳәа иҳәеит ателеканал "Шант" аинтервиу азҭаз, Ермантәыла Аԥыза-министр Серж Саргсиан.
Саргсиан иажәақәа рыла аҭагылазаашьа шьақәҟьар зҭаху џьоукы уи аҵшәаара рҽаназыршәо, аҭак рыҭалатәуп, уи проблемоуп.
Аԥыза-министр иазгәеиҭеит азинхьчаратә органқәа акыр рхы нкыланы рыҽшымҩаԥырго, хаҭала иаргьы аполициа амч рхы иадырхәар ада ԥсыхәа ыҟамкәа иҟалар шиҭахым.
