АҞӘА, мшаԥы 23 — Sputnik. Краснодартәи атәылаҿацә ашьаусҭҵааратә Еилакы ихацнаркит аҭҵаара усурақәа Геленджик аҭыԥ змаз арыцҳара – хҩык ахәыҷқәеи рани амца ралабылра аганахь ала. Абри атәы аанацҳауеит РИА Новости.
"Мшаԥы 22, Геленджик азинхьчаратә органқәа рахь адырра ҟарҵеит Аиланхарҭа Геолог иахьаҵанакуа аҩнқәа руак аҿы амцакра ҟалеит ҳәа. Амцарцәараан АҶА аусзуҩцәа ирбеит 28-шықәса зхыҵуаз аԥҳәыси ахәыҷқәа хҩыки рыԥсыбаҩ", — ҳәа аҳәон адырраҭараҿы.
Иҟоу агәаанагарала, аԥҳәыс лхаҵеи лхәыҷқәеи лыцны лан лахь иааит сасра ҳәа. Уахынланы аҩны амца акит.
Аԥҳәыс лхәыҷқәеи лареи амца алҵра иахьымӡеит.
На месте пожара в городе Геленджик. 22 апреля 2018
© СК РФ по Краснодарскому краю
