Ҳаразиа: Аԥснынтәи Ҭырқәтәыла аҵара иҭоу астудентцәеи ҳареи ҳаиԥылеит

© Sputnik / Томас ТхайцукВадим Харазия
Вадим Харазия - Sputnik Аҧсны
Анапаҵаҩра
НовостиTelegram
Ҭырқәтәыла иҟоу Аԥсны Ахаҭарнак Вадим Ҳаразиа радио Sputnik иазеиҭеиҳәеит Ҭырқәтәыла имҩаԥиго аусура атәы.

АҞӘА, мшаԥы 26 – Sputnik. Ҭырқәтәыла иҟоу Аԥсны Ахаҭарнак Вадим Ҳаразиа радио Sputnik иазеиҭеиҳәеит Ҭырқәтәылатәи аҵараиурҭақәа ирҭоу ҳастудентцәа аԥсуаа рыбзазашьа дырбан ҳәа.

Уроки абхазского языка - Sputnik Аҧсны
Аԥснытәи арҵаҩцәа Ҭырқәтәыла ҳџьынџьуаа аԥсшәа рырҵара иалагеит

"Аԥснынтәи Ҭырқәтәыла аҵара иҭоу астудентцәеи ҳареи аиԥылара ҳаман. Дареи ҳареи еснагь ҳаиныруеит. Мшаԥы 21 рзы астудентцәа аԥсуа қыҭахь иҳаманы ҳцеит. Рылала идҳарбеит аҭыԥантәи аԥсуаа рыбзазашьа зеиԥшроу", — иҳәеит иара.

Ҳаразиа иазгәеиҭеит Аԥсны Агәабзиарахьчара аминистр Ҭырқәтәыла иҟазаара аҵакы аманы дшахәаԥшуа.

"Аминистр Анталиа имҩаԥысуаз афорум далахәын. Уи ашьҭахь Стамбулҟа днеиит. Изеиҿаҳкааит амедицинатә усҳәарҭақәа рҿы аиԥыларақәа. Уажәазы ицоит аиҿцәажәарақәа аԥснытәи ауаа ара амедицинатә цхыраара рыҭара азҵаара", — иҳәеит иара.

Вадим Ҳаразиа иҳәеит лаҵарамза 6 рзы Ҭырқәтәылаҟа днеираны дшыҟоу жәларбжьаратәи аԥсуа-абаза еидкыла "Алашара" анапхгаҩы Мусса Екзеков.

"Аделегациа далахәхоит Инар Гыцба. Иара аекономика аминистрраҟны аинвестициақәа рызҵаара инапы иануп. Араҟа имҩаԥгахоит абизнесуааи ҳџьынџьуааи рԥылара", — иҳәоит Ҳаразиа.

Вадим Ҳаразиа Ҭырқәтәыла иҟоу Аԥсны Ахаҭарнакс дҟаҵан 2017 шықәса ԥхынгәы 17 рзы.

Ажәабжьқәа зегьы
0