АҞӘА, лаҵара 2 – Sputnik. Амаҵзура РИА Новости акорреспондент аахақәа лоуит Парижтәи аилаҩынтрақәа раан ҳәа аанацҳауеит РИА Новости.
РИА Новости адыррақәа рыла аҿар асабардақәа рҿаҵаны лаҵарамзатәи аныҟәарақәа раан амҩан ирԥылоз адәқьанқәеи аресторанқәеи рвитринақәа ԥырҽуан, автомашьынақәа амца рыцрарҵон.
Ажурналист лажәақәа рыла аполициа аусзуҩцәа иаразнакы урҭ азинеилагарақәа раԥырҟәҟәаара иаламгеит. Аамҭақәак рышьҭахь алаӷырӡ аазго агази аӡыхьшәашәеи рыларҵеит адәыӷбаангыларҭа Аустерлиц иахьаҵанакуа.
Аполициаа руснагӡатәқәа ирыхҟьаны ааха роуит жәаҩык.
Абри аан ааха зауз РИА Новости ажурналист уажәазы лҭагылазаашьа маншәалоуп.
