АҞӘА, лаҵара 7— Sputnik. Ҳаамҭазтәи шьамтәылатәи асахьаҭыхыҩцәа русумҭақәа рцәыргақәҵа мҩаԥысуеит Шьамтәыла амузеиқәа руак аҿы ҳәа аанацҳауеит РИА Новости. Адырраҭараҿы иаҳәоит Шьамтәыла асеиԥш иҟаз ацәыргақәҵақәа лассы-лассы ишымҩаԥыргалоз.
"Ҳаамҭазтәи асахьаҭыхыҩцәа рцәыргақәҵа ааҳартит. Иара есышықәса амҩаԥгара азыԥхьагәаҭоуп. Аибашьра иахҟьаны акрааҵуан иара мҩаԥаҳамгазижьҭеи. Уажәы уи атрадициа хацҳаркуеит", — иҳәеит Амилаҭтә музеи адиректор Касем аль-Мухаммад.
Иара иажәақәа рыла ацәыргақәҵа аартра алыршахеит атеррористцәа рганахь ала аминамиоттә хысрақәа анаанкылаха ашьҭахь, Мрагыларатәи гута аҵакыра Шьамтәылатәи ар ахы ианақәиҭыртә ашьҭахь", — иҳәеит иара.
"Ателехәаԥшрала ирҳәо аибашьра аҭыӡшәоуп. Ҳцәыргақәҵа иахықәкуп араҟа аԥсҭазаара амҩасра ишаҿу ауаа дырбара, аибашьра мап шацәаҳкуа. Асахьаҭыхыҩгьы иҭыхымҭақәа рыла иҳәоит аибашьра дшазыҟоу атәы" — иҳәеит зусумҭақәа цәыргақәҵоу асахьаҭыхыҩ Бади Джахджа.
Ҳаамҭазтәи шьамтәылатәи асахьаҭыхыҩцәа русумҭақәа рцәыргақәҵа мҩаԥысуеит Шьамтәыла амузеиқәа руак аҿы ҳәа аанацҳауеит РИА Новости.
