Аиааира ду амшныҳәа Аԥсны ишазгәарҭо

© Sputnik / Владимир Песня / Амедиаҵәахырҭахь аиасраАкция "Георгиевская ленточка"
Акция Георгиевская ленточка - Sputnik Аҧсны
Анапаҵаҩра
НовостиTelegram
Аиааира амшныҳәа, лаҵара 9 есышықәса иазгәарҭоит аныҳәатә уснагӡатәқәа рыла.

Sputnik

Аиааира амшныҳәа, лаҵара 9 есышықәса иазгәарҭоит аныҳәатә уснагӡатәқәа рыла. Сынтәатәи апрограмма абасеиԥш ишьақәыргылоуп:

АҞӘА

Аҳҭнықалақь аҿы аныҳәатә уснагӡатәқәа лаҵара 7 рзы ихацыркын. Амҳаџьыраа рыԥшаҳәаҿы имҩаԥысит ашколхәыҷқәа рыбжьара ацәаҳәатә-шәа аконкурс, лаҵара 8 рзы ахәыҷқәа рсахьақәа рцәыргақәҵа мҩаԥгахоит.

Лаҵара 9 рзы Идырым асолдаҭ ибаҟа аҿаԥхьа асааҭ 11:00 рзы имҩаԥгахоит ашәҭшьыҵәрақәа рышьҭаҵареи амитинги. Абри ашьҭахь Аԥсни Урыстәылеи рыруаа амшын аԥшаҳәа еицықәсуеит.

Сынтәагьы имҩаԥгахоит акциа "Ԥсра зқәым архәҭа". Лаҵара 9, ахәылбыҽха Аԥснытәи аҳәынҭқарратә филармониаҿы еиҿкаахоит аныҳәатә концерт.

Гагра

Гагра аныҳәатә уснагӡатәқәа аартхоит Идырым асолдаҭ ибаҟахьы анеирала. Еиҿкаахоит акультура Аҩнаҿы аконцерт. Аветеранцәа рзы аԥсшьарҭа ҩны "Мидель" аҿы аныҳәатә хәылԥхьа мҩаԥгахоит.

Гәылрыԥшь

Гәылрыԥшь араион ауааԥсыра акультура Аҩны аҟны имҩаԥгахо аныҳәаәт концерт ашьҭахь инеир рылшоит аклуб "Агудзера" ахь. Уа асааҭ 13:00 рзы аныҳәатә уснагӡатәқәа ирыцҵахоит.

Очамчыра

Очамчыра аныҳәатә концерт мҩаԥысуеит лаҵара 9 рзы. Лаҵара 10 рзы ахореографиатә ансамбль "Кавказ"аконцерт мҩаԥысуеит.

Гәдоуҭа

Гәдоуҭа араион, Дәрыԥшь ақыҭан лаҵара 8-9 рзы аҽырыҩра мҩаԥгахоит.

Тҟәарчал

Тҟәарчал аиааира амшныҳәа хыртхоит ахәыҷқәа рсахьақәа рконкурс алеи маланыҟәала аиԥхныҩларалеи. Ирыцҵахоит ахәыҷтәы ансамбльқәа рконцерт ала. Аныҳәа хыркәшахоит афеерверк ала.

Гал

Гал имҩаԥысуеит акциа "Ԥсра зқәым архәҭа", амитинг еиҿкаахоит асааҭ 12:00 рзы, асааҭ 15:00 рзы имҩаԥысуеит аныҳәатә концерт, асааҭ 19:00 рзы – афеерверк.

Ажәабжьқәа зегьы
0