АҞӘА, лаҵара 14 — Sputnik. Израиль иазгәарҭеит Евровидение-2019 Иерусалим имҩаԥысуеит ҳәа. Абри атәы аанацҳауеит РИА Новости.
Израиль Аԥыза-министр Биниамин Нетаниаху ашәаҳәаҩ Нетту Барзилаи лиааира лыдиныҳәалеит. Лара аиааира лгеит Евровидение-2018 аҟны.
"Нетта, бара Израиль ахьӡ быргеит. Ҽааны Иерусалим ҳаиқәшәоит", — ҳәа иҩит Израиль ахада Twitter аҿы.
Жәларбжьаратәи ашәаҳәаратә еиндаҭлара "Евровидение" мҩаԥысит сынтәи Португалиа. Аиааира ланашьахеит Израильтәи ашәаҳәаҩ Нетта, лара иналыгӡеит ашәа "Toy".
Аҩбатәи аҭыԥ аанылкылеит Кипртәи ашәаҳәаҩ Елени Фуреире, лара иналыгӡеит акомпозициа Fuego. Ахԥатәи аҭыԥ ааникылет австриец Сезар Семпсон, инеигӡеит ашәа Nobody But You.
Урыстәылатәи ашәаҳәаҩ Иулиа Самоилова афинал аҟынӡа дзымнеиит.
