АҞӘА, лаҵара 17 — Sputnik. Имҩаԥгаз аԥшаарақәа рышьҭахь РИА Новости Украина аусзуҩцәа ԥынгылада аофис ахь инарышьҭитҳәа аанацҳауеит РИА Новости.
Ажурналистцәа ражаәқәа рыла аофис аркымызт, амҳәыр аархамызт. Аусуҩцәа рыстолқәа рҟынтәи документқәаки компиуторқәаки ргеит. Аҭелқәа макьана аус руам. Аофис аусзуҩцәақәак аҿахәҿыхразы Ашәарҭадаратә маҵзурахьы инаԥхьоуп.
Аҩашаҽны Украина ашәарҭадаратә маҵзура аусзуҩцәа РИА Новости Украина аофис иақәлеит. Уинахыс ажурналистцәа рыҽрымадара ҟамлацт. Ашьыжь даанкылан амаҵзура ажурналист Кирилл Вышински.
Украинатәи амчрақәа изныкымкәа урыстәылатәи ажурналистцәа русура аԥынгылақәа азырухьан, атәыла алалара азинҟамҵарагьы абрахь иналаҵаны.
2017 шықәса рзы РИА Новости ажурналист Захар Виноградови МИА "Россия сегодня" афотокорреспондент Рамиль Ситдикови Евровидение афинал ахь аккредитациа шрымазгьы рнеира азин ҟанамҵеит.
2015 шықәса хәажәкырамзазы Киев, урыстәылатәи АИХқәа 115 русураз аккредитациа мап ацәнакит.
