АҞӘА, лаҵара 21 — Sputnik. 71-тәи Каннтәи афестиваль аԥхьахә аԥхьахә анаршьеит иапониатәи арежиссер Хирокадзу Корееда ифильм "Магазинные воришки" ҳәа аанацҳауеит РИА Новости.
"Ахьтәы пальматә махә" аиуразы сынтәа рыӡбахә ҳәан акинофильмқәа 21.
Афестиваль Гран-при иоуит америкатәи арежиссер Спаик Ли акартина "Черный клановец" азы. Ажиури аԥхьахә арҭеит ливантәи арежиссер Надин Лабаки лфильм "Капернаум".
Афестиваль ажиури аԥхьахә ҷыда ианашьан ҳаамҭазтәи акино аклассик Жан-Лиук Годар, акиносахьа "Образ и речь" азы.
Иреиӷьу асценари азы аԥхьахә еиҟәыршеит арежиссер Аличе Рорвахери, ("Счастливый Лазарь") Джафар Панахи ("Три лица").
Иреиӷьу арежиссураз аԥхьахә иоуит польшатәи арежиссер Павел Павликовски ("Холодная война"). Ахаҵа ироль азы аԥхьахә ианаршьеит Марчелло Фонте ("Догмэн" Маттео Гарроне), иреиӷьу аԥҳәыс лроль азы — Самал Еслиамов ("Айка").
"Ахьтәы камераз" аԥхьахә иоуит арежиссер Лукас Донт ("Девочка").
Каннтәи акинофестиваль ажиури иалахәын: Кеит Бланшетт, Андреи Звиагинцев, Чанг Чен, Ава ДиуВерне, Хаджа Нин, Леа Сеида, Кристен Стиуарт, Робер Гедигиан, Дени Вильнев.
Акинофестиваль ахь инаган урыстәылатәи акинофильмқәа ҩба: "Лето" (Кирилла Серебренников), "Аика" (Сергеи Дворцевои).
