АҞӘА, лаҵара 21 — Sputnik. Афедералтә Шәарҭадаратә маҵзура иаадырԥшит аҭаҭар жәлар Рмеджлис зыԥшаара иаҿу Рефат Чубаров идҵала еиҿкааз аекстремисттә гәыԥ. Атеррористтә гәыԥ еиҿикааит Рада адепутат ицхырааҩ Мустафа Джемилев ҳәа аанацҳауеит РИА Новости.
Агәыԥ еиҿкаан Харьков. Иара иалахәын адепутат ицхырааҩ Ерол Велиев, абоксиорцәа А. Стешенко и А. Третьяков.
Стешенко даанкылан мшаԥымзазы, Ҟрым аҵакыра даналалоз.
Ажьырныҳәамзазы абри агәыԥ ауп Ҟрым амуфти Емирали Аблаев иҩны зыблыз.
Имҩаԥыргоз акциақәа зегьы хәышә-хәышә доллар рхыршәаараны ирацәажәан.
Аекстремисттә гәыԥ аганахь ала ашьаус хацыркуп. Велиеви Третиакови афедералтә шьҭазаара рыҭоуп.
