Афиналтә гастрольқәа: "шьукинаа" Аҟәа аспектакльқәа ҩба ддырбоит

© Sputnik Лев РыжковСпектакль "Кьоджинские перепалки" в исполнении студентов Щукинского училища
Спектакль Кьоджинские перепалки в исполнении студентов Щукинского училища - Sputnik Аҧсны
Анапаҵаҩра
НовостиTelegram
Шьукин ихьӡ зху атеатртә институт аԥснытәи астудентцәа РУСДРАМ аҟны лаҵара 22 рзы имҩаԥыргеит апресс-конференциа.

АҞӘА, лаҵара 22 – Sputnik, Сариа Кәарацхьелиаԥҳа. Аспектакльқәа "Кьоџьаа рҭыӡшәеи", "Софичкеи" аԥсуа хәаԥшҩы идыргалоит Шьукин ихьӡ зху атеатртә институт аԥснытәи астудентцәа. Аспектакльқәа мҩаԥысраны иҟоуп РУСДРАМ аҿы лаҵара 22 — 24 рзы ҳәа еиҭеиҳәоит атеатр адиректор Иракли Хынҭәба.

Аспектакль Софичка РУСДРАМ асценаҟны иқәдыргылеит - Sputnik Аҧсны
Аспектакль "Софичка" РУСДРАМ асценаҟны иқәдыргылеит

"Софичка" ҵыԥх идҳарбеит ҳтеатр аҿы. Акыр қәҿиарала имҩаԥысит. Сгәы иаанагоит сынтәагьы ахәаԥшцәа гәахәарала ирыдыркылап ҳәа. Александр Коручеков иқәыргыламҭа спектакль "Кьоџьаа рҭыӡшәа" акәзар, сара хаҭала даара исгәаԥхеит. Артистцәа ҿарацәа ибзианы рхы аадырԥшит, рҽаадыртит", — иҳәеит иара.

Александр Коручеков иазгәеиҭеит агәахәара ду шинаҭо аспектакль аԥсуа хәаԥшыҩцәа рыдгалара. Коручеков Шьукин ихьӡ зху атеатртә институт аԥсуа гәыԥ иреиӷьу агәыԥқәа ирхыԥхьаӡаланы дрыхцәажәеит.

"Аԥхьаҵәҟьа даара ирцәыуадаҩын. Уа аҽа ҭагылазаашьан, ируаз-ирҳәоз зегь аҽакын. Аха уажәазы аинститут акурсқәа иреиӷьу ҳәа иԥхьаӡоуп", — иҳәеит иара.

Борис Шьукин ихьӡ зху аинститут аԥсуа студиа асахьаркыратә напхгаҩы Елена Одинцова иазгәалҭеит аԥсуа гәыԥ ақәҿиарақәа.

"Абасеиԥш уааԥсара ануԥыло гәырӷьароуп. Аиҳаракгьы ухатәы қалақь ахь уаныхынҳәуа. Уа уара уафишақәа зехьынџьара ианкыду, ахәаԥшыҩцәа анузыԥшу, убара иазыгәыҳәуа ианыҟоу – еиӷьу иҟоузеи? Астудентцәа зегьы рзы асеиԥш афиналқәа ҟалаӡалом", — лҳәеит лара.

Елена Одинцова иазгәалҭеит астудентцәа атеатрқәа рахь реихшара аҵак ду аманы ишыҟоу.

"Ауаҩы дартистхар алшоит аусурҭа анимоу, аспектакльқәа данрылахәу, мчыбжьык ахь ҩынтә-хынтә данцәырҵуа. Аԥсны акультура аминистрреи Иракли Реваз-иԥеи иаҳзыҟарҵо даара акраҵанакуеит", — лҳәеит Одинцова.

Аԥснытәи астудентцәа сынтәа рҵара хдыркәшоит.

"Ҳтеатр ахь иааҳаԥхьақәаз ыҟоуп арепертуартә спектакльқәа рылахәразы. Ҳаԥхьаҟа ҳтеатр атруппа ырҭбаатәуп. Сгәыӷуеит ҽааны аҳәынҭқарра уи аиԥш алшара ҳнаҭап ҳәа", — иҳәеит Иракли Хынҭәба.

Ажәабжьқәа зегьы
0