Аԥснытәи акоманда ConIFA-2018 ачемпионат аҽазнархиоит

© Sputnik / Томас ТхайцукТренировка Сборной Абхазии по футболу
Тренировка Сборной Абхазии по футболу - Sputnik Аҧсны
Анапаҵаҩра
ConIFA аверсиала ашьапылампыл азы адунеи ачемпионат мҩаԥысраны иҟоуп Лондон.

АҞӘА, лаҵара 22 – Sputnik, Бадраҟ Аҩӡба. ConIFA (Конфедерация независимых футбольных ассоциаций- аред.) аверсиала ашьапылампыл азы адунеи ачемпионат мҩаԥысраны иҟоуп Лондон. Ачемпионат аадыртуеит лаҵара 31 рзы.

Пресс-конференция по итогам чемпионата Абхазии по футболу - Sputnik Аҧсны
Кәарцхьиа: ачемпионат ркьаҿны имҩаԥган ConIFA аҽазырхиара иахҟьаны

Аԥснытәи еизгоу акоманда ConIFA-2018 ачемпионат аҽазнархиоит.

"Аҽазыҟаҵарақәа аштаттә режим ала имҩаԥысуеит. Ашьыжь асааҭ 11:00 рзи ахәылбыҽха асааҭ 17:00 рзи аҽазыҟаҵарақәа мҩаԥаагоит. Сгәы иаанагоит ачемпионат ахь анеира ҳазыхиоуп ҳәа", — иҳәоит амилаҭтә команда азыҟаҵаҩ хада Беслан Аџьынџьал. 

Аҽазыҟаҵарақәа мҩаԥыслоит лаҵара 29 рҟынӡа.

"Лаҵара 29 рзы аҵыхәтәантәи аҽазыҟаҵара мҩаԥаагоит. Лаҵара 30 рзы Лондонҟа ҳцоит. Акоманда 20-ҩык ашьапылампыл асыҩцәа рыла ишьақәгылоуп" — иҳәоит Аџьынџьал.

Акоманда далахәхоит тулатәи "Арсенал" ахәмарыҩ Анри Ҳагәышь.

Беслан Аџьынџьал ишиҳәаз ала авизақәа роура азҵаара макьанагьы иаартуп.

"Авизақәа роура азҵаара макьанагьы иаартуп. Амза 25 рзы иҳарҳәоит авизақәа ҳарҭо иҳарымҭо атәы" ҳәа азгәеиҭеит азыҟаҵаҩ хада.

Акоманда аҳақьым Игорь Киселев иҳәоит ахәмарыҩцәа ргәабзиаратә ҭагылазаашьа шыбзиоу.

Аҵәҭаԥсара аихшьаалақәа рыла Аԥснытәи акоманда Аҩадатәи Кипри, Тибети, Фельвидеки ркомандақәа ргәыԥ иақәшәоит.

Беслан Аджинджал - Sputnik Аҧсны
ConIFA-2018 аԥхьагылаҩцәа ҳәа иԥхьаӡо ахҳәаа рзыҟаиҵеит Беслан Аџьынџьал

"Агәыԥ даара аҩаӡара ҳаракуп. Дареи ҳареи ҳаицыхәмархьеит азы, рыҩаӡара зеиԥшроу аадыруеит. Акомандақәа акыр еиҿкаауп. Аинтернет аҿы аинформациа ҳаԥшаауеит, рыхәмаршьа аметодқәа ҭаҳҵаауеит", — иҳәеит иара.

Ашьапылампыл азы адунеи ачемпионат ConIFA-2018 аҟны аԥсуа команда алшарақәа дрылацәажәо Беслан Аџьынџьал иҳәеит ахәмарра иаҳнарбап ҳәа.

ConIFA аверсиала адунеи ачемпионат хацыркхоит Лондон, лаҵарамза 31 2018 шықәса рзы.

Актәи агәыԥ иалоуп акомандақәа: Барава, Каскадиа, Елан Ванин, Тамил Еелам. Аҩбатәи агәыԥ —Аԥсны, Аҩадатәи Кипр, Тибет, Фельвидека (Словакиа инхо авенгрцәа). Ахԥатәи агәыԥ – Паданиа, Кирибати, Матабелеленд, Сикеитәи атәылаҿацә. Аԥшьбатәи агәыԥ иалоуп: Пенджаб, Мраҭашәаратәи Ермантәыла, Кабилиа, Иапониа инхо акорееццәа.

ConIFA еиднакылоит 30 рҟынӡа команда.

Ажәабжьқәа зегьы
0