АҞӘА, лаҵара 24 — Sputnik. Украина арҭ амаҵзурақәа рыҩба асанкциатә сиа иаҵанаркит хы-шықәса ҿҳәарас ирыҭаны. Абри атәы аанацҳауеит РИА Новости.
Украинатәи апроваидерцәа адҵа рыҭоуп асаитқәа Россиясегодня.рф, Sputniknews.com, Ria.ru, Rsport.ria.ru, 1prime.ru, Realty.ria.ru и rian.com.ua.рыдҵаалара ԥкызаарц.
МИА "Россия сегодня" адиректор хада Дмитри Киселев аҳәамҭа ҟаиҵеит украинатәи анапхгара ируа-ирҳәо зегьы мыч шрымам ауп иаанарԥшуа ҳәа.
Аҳәынҭқарратә Думаҿ Киев абри ашьаҿа "цензуратә актуп" ҳәа ахырҳәааит, иагьазгәарҭеит абри атема жәларбжьаратәи аиҿкаарақәа рҟны ишышьҭыххо.
Лаҵара 15 рзы Украина ашәарҭадаратә маҵзура аусзуҩцәа "РИА Новости Украина" аофис иақәлеит. Иара убри аҽны, ашьыжь даанкылан амаҵзура ажурналист Кирилл Вышински.
Украинатәи амчрақәа изныкымкәа урыстәылатәи ажурналистцәа русура аԥынгылақәа азырухьан, атәыла алалара азинҟамҵарагьы абрахь иналаҵаны.
2017 шықәса рзы РИА Новости ажурналист Захар Виноградови МИА "Россия сегодня" афотокорреспондент Рамиль Ситдикови Евровидение афинал ахь аккредитациа шрымазгьы рнеира азин ҟанамҵеит.
2015 шықәса хәажәкырамзазы Киев, урыстәылатәи АИХқәа 115 русураз аккредитациа мап ацәнакит.
