"Ҳазлацәажәаша ҳамоуп":Убириа аиқәшаҳаҭра иазкны
"Краснодартәи атәылаҿ ауаажәларратә палата ахаҭарнакцәеи ҳареи аицәажәара ҳаман аиқәшаҳаҭра ҳабжьаҳҵаанӡа. Ирзыҳашьҭыз аиқәшаҳаҭра даргьы ахәҭаҷқәа алыргалеит. Уи абизнес маҷ аганахьала аусеицура ауп. Ҳауаажәлар иаадрыхуа ауҭраҭых, ашәыр акыр иазҿлымҳауп атәылаҿацә аҟны. Иахьа Краснодар ибеиоу аурыс регионқәа рхыԥхьаӡараҿы иҟоуп. Дара рԥышәа абизнес аганахьала, уаантәи аинвесторцәа арахь раара иус бзиахон. Убри аан Краснодартәи атәылаҿацә ауаажәларратә палата аԥышәа ҿырԥшыгоуп. Ачинуааи ауаажәлари цҳаны ирыбжьоуп", — ҳәа азгәеиҭеит Убириа.
