Рабсҭан Габлиа: аԥсшьацәа ныҟәызго амашьынақәа техникала еиқәшәазароуп

© Sputnik / Томас ТхайцукОтдых в Абхазии
Отдых в Абхазии - Sputnik Аҧсны
Анапаҵаҩра
НовостиTelegram
Атранспорт азы Аҳәынҭқарратә усбарҭа аиҳабы Рабсҭан Габлиеи атуристтә фирма "Аԥсуа-Тур" ахада Елизавета Маланиаԥҳаи алацәажәеит атуристтә сезон аҽазыҟаҵара шымҩаԥысуа.

АҞӘА, лаҵара 28 – Sputnik. Аԥсшьацәа ныҟәызго амашьынақәа цқьазар ауп, техникала еиқәшәазароуп, иҳәеит Атранспорт азы Аҳәынҭқарратә усбарҭа аиҳабы Рабсҭан Габлиа адырраҭара "Коӷониаԥҳа лымҩаду" аҟны.

"Аԥсны иаҭаауа аԥсшьацәа зегьы автотранспорт рхы иадмырхәар ҟалом, убри аҟынтә Ԥсоу аҳәааҿы автомашьынақәа ахьгылоу аиҭакрақәа ҳарҿуп. Амашьынарныҟәцаҩцәа рмашьынақәа амҩабжа икәымхарц ҳрыԥхьаны ҳрацәажәоит автотранспорттә наплакқәа реиҳабацәа, ус еиԥш ахеилакқәа фба ыҟоуп. Ауаа ныҟәызго ихаҿра аҽаԥсахроуп, ишәҵатәгьы дацклаԥшроуп. Убри амҩа ҳақәлароуп", — ациҵеит иара.

Гиви Габния - Sputnik Аҧсны
Арадио
Габниа: аԥсшьаҩы ишәарҭадара атуризм аҿиараҿы ихадароуп

Атранспорти атуризми еидҳәалоуп, атранспорт аусура акыр аҵанакуеит атуризм аҿиараҿы, ҳәа иԥхьаӡоит Габлиа.

"Хәажәкыразы, ишыжәдыруа еиԥш, ҳҳәынҭқарра Ахада аилацәажәара мҩаԥигеит иааиуа аԥсшьаратә сезон аҽазыҟаҵара шаҭаху азы. Уаҟа атранспорт аганахьалагьы адҵақәа ҟаҵан, хәҭакахьала иазгәаҭан атранспорт аԥсшьацәа ныҟәызго еиқәшәазарц шахәҭоу, ауаа рызнеишьа иашазар шаҭаху", — азгәеиҭеит иара.

Елизавета Маланиаԥҳаи илҳәеит атуристтә фирма "Аԥсуа-Тур" 2004 шықәса раахыс аус шауа.

"Атрансфер аҟәшаҿы 34-ҩык амашьына арныҟәцаҩцәа ҳамоуп, убарҭ рҟынтә ианалаҳхуа рмашьынақәа рырныҟәцашьа гәаҭаны ауп ишҳадаҳкыло, насгьы амашьынарныҟәцаҩцәа атранспорт аҟәша иаҵанакуеит, насгьы атехника амаҵзуцәа, урҭ аҭакԥхықәра рыдуп, амашьына аҭагылазаашьа ахылаԥшразы. Ҳара ҳгараж аҿы 22 машьына ҳамоуп, урҭ зегьы ахылаԥшра раҳҭоит, аԥсшьаратә сезон анааигәахо, техникала еиқәҳаршәоит", — лҳәеит лара.

Афирма "Аԥсуа-Тур" амашьынақәа аҳауа архьшәашәагақәа рыла еиқәыршәоуп, насгьы аинтернет ала еиқәыршәахоит, ацылҵеит лара.

"Атрансфер ҳалагеит 2011 шықәсазы, уи аахыс амашьына арныҟәцаҩцәа аусуара ианаҳго заанаҵы игәаҳҭоит урҭ аус шыруа, рхы бзианы иаадырԥшыр, ҳара ҳҭахрақәа ирықәшәар аус дҳаруеит", — азгәалҭеит Маланиаԥҳа.

Рабсҭан Габлиа иҳәеит аԥсшьаратә сезон сынтәа ишақәшәаз Адунеи ашьапылампыл азы ачемпионат.

"Рашәара 14 инаркны, Урыстәыла Адунеи ачемпионат мҩаԥысуеит, убри инақәыршәаны, Владимир Путин Ақәҵара ҭижьит, уи ишаҳәо ала ҷыдала зырӷәӷәара аҭаху аҭыԥқәа. Убри инақәыршәаны, Шәача иҟарҵеит аоперативтә штаб. Ауадаҩрақәа ҟамларазы ҳара ашәҟәы ҳаҩит абри аштаб ҳалахәхарц азы, уи ҩыџьа ҳалахәуп Аԥсны акурортқәеи атуризми рминистр ихаҭыԥуаҩ Асҭамыр Ахбеи сареи", — азгәеиҭеит уи.

Аԥсни Урыстәылеи рҳәааҿы атранспорт аганахьала аиҭакрақәа шымҩаԥысуа иҳәеит Габлиа.

Ажәабжьқәа зегьы
0