АҞӘА, лаҵара 31 — Sputnik. Урыстәыла Адәныҟатәи аусқәа рминистр Сергеи Лавров усутә визитла КНДР дыҟоуп. Пхениан Сергеи Лаврови Ким Чен Ыни еиԥылеит. Абри атәы аанацҳауеит РИА Новости.
Уаанӡа Сергеи Лаврови КНДР Адәныҟатәи аусқәа рминистр Ли Ен Хо диԥылахьан.
"Иазгәасҭарц сҭахуп иахьатәи аамҭазы имҩаԥысуа аилибакааратә процесс акыр амаршәа кны ишазнеилатәу. Аладатәи Кореиа аума, Аҩадатәи Кореиа аума Америкатәи аштатқәа роума реинырра, реизыҟазаашьақәа рҭышәныртәалара адунеи зегьы азы хра аманы иҟоуп", — иҳәеит Лавров Ли Ен Хои иареи реиԥылара ашьҭахь.
Урыстәыла Адәныҟатәи аусқәа рминистр Сергеи Лавров иазгәеиҭеит апроцесс мчыла аҵгәара шаҭахым. Еилкаауп уи аамҭа маҷымкәа ишаго аха аԥшра алҵшәақәа аанагоит ҳәа ишьоит иара.
Уажәазы Пхениан активла аҽазыҟанаҵоит асаммит ЕАШ— КНДР.
