АҞӘА, рашәара 1 – Sputnik. Атактикатә ҟәша "НЕРС" Москватәи ахәмаррақәа рҟны аԥхьахә ҷыда аиуит ҳәа радио Sputnik иазеиҭеиҳәеит аиҿкаара апрезидент Денис Шашура.
"Ҳара ҳзы уи акраҵанакуеит, избанзар ҳахьықәгылоз аполигон ҳашьцыламызт, акыр идуун. Ус шакәызгьы Ахраҿеи амедалқәеи ҳанаршьеит", — иҳәеит иара.
Аԥснытәи атактикатә ҟәша аилазаара хҩык рыла ишьақәгылан. Ус шакәызгьы дара ирылшеит ишьахәны ахаарԥшра.
"Ҳара хҩык ҳакәзар иҟаз, егьырҭ акомандақәа рҿы 20-25-ҩык ауааԥсыра рылахәын. Ҳара ҳахҩык иҳалҳаршар акәхеит ахәмарра аԥҟарақәа инарықәыршәаны афронт-цәаҳәа ахьчара, абнарахь "аӷа" инамышьҭра. Ҳара аӡәгьы дахьаҳзыԥшымыз амҩала, аӡытҟәа ахьыҟаз ҳахысны ҳахьнеишаз ҳнеиит", — ҳәа еиҭеиҳәоит Шашура.
"Сутки на обороне" – иналукааша страикболтә хәмарроуп. Сынтәа иара иалаахәын 6000-ҩык рҟынӡа, имҩаԥысуан Москва, лаҵара 25-27 рзы.
