АҞӘА, рашәара 5 – Sputnik. Инар Кьетиа зхы иақәиҭу ақәԥаразы аисараҿ ахԥатәи аҭыԥ ааникылеит ҳәа аанацҳауеит абаҩрҵәыреи аспорти рзы Аԥсны аҳәынҭеилакы аофициалтә саит.
Аԥснытәи аспортсмен 65 кьыла рҟынӡа инаӡо аспортсменцәа дрыцықәгылан. Атурнир алкааратә ҟазшьа аман. Аиааира зго ироуеит аԥыжәара адунеи аиндаҭлараҿ иқәгыло акоманда алахәразы.
2017 шықәса рзы Инар Кьетиа актәи аҭыԥ ааникылеит зхы иақәиҭу аиндаҭлараҿы Урыстәыла ачемпионат аҟны. Иара убасгьы Урыстәыла еизгоу акоманда далахәны Инар актәи аҭыԥ ааникылеит 18 шықәса рҟынӡа зхыҵыз рыгәҭа, 2017 шықәса рзы Афины ақалақь аҿгьы.
Афинал аҿы Инар Кьетиа иапониатәи аспортсмен Кеншин Ито дииааиит. Аиндаҭлара актәи ахәҭа 5-0 ҳәа ихыркәшахеит. Аҩбатәи ахәҭаҿгьы Инар даҽа 5 баллк иоуит. Абасала 10:0 ҳәа Инар Кьетиа адунеи дачемпионхеит.
18 шықәса рҟынӡа зхыҵуа аспортсменцәа рыбжьара Урыстәыла зхы иақәиҭу ақәԥаразы аиндаҭлара мҩаԥыуан Москва, 2018 шықәса рашәара 1-3 рзы.
