Аԥсуаа Иапониатәи кореиаа ириааиит ConIFA-2018 аҟны

© Фото : Дмитрий ПагаваБолельщики
Болельщики - Sputnik Аҧсны
Анапаҵаҩра
ConIFA аверсиала ашьапылампыл азы адунеи ачемпионат мҩаԥысуеит Лондон, лаҵара 31 инаркны рашәара 9 рҟынӡа.

АҞӘА, рашәара 8 – Sputnik, Бадраҟ Аҩӡба. Ашьапылампыл азы Аԥсны еизгоу акоманда Иапониатәи кореиаа ркоманда иаԥнагеит ConIFA аверсиала ашьапылампыл азы адунеи ачемпионат аҿы.

Аԥснытәи ашьапылампыласыҩцәа адунеи ачемпионат ахь инеиит уаанӡа адунеи ачемпионцәақәак раҳасабала. Агәыԥ В аҿы х-хәмаррак мҩаԥыргеит: знык иаиааиит, знык иаҵахеит, аҽазнык еиҭахарала рыхәмарра хдыркәшеит. Агәыԥ аҿы ишыҟазгьы иаанхеит.

Сборная Абхазии по футболу - Sputnik Аҧсны
Ҳшьапылампыласыҩцәа ConIFA ачемпионат аҟны даҽа иааирак ргеит

9-16 аҭыԥ азы ахәмаррақәа рҿы Тамил-Илама акоманда ацыхәмарраан 6:0 ҳәа аиааира ргеит. Руслан Шьониеи Руслан Ахвледиании ҩба-ҩба мпыл ҭадыршәит, Шабаҭ Логәуеи Асҭамыр Ҭарбеи мпылк-мпылк ҭадыршәит.

Иапониатәи кореиаа рыцыхәмаррахь акоманда неиит аиааира агәҭакны. Актәи аминуҭқәа инадыркны аԥснытәи акоманда ахәмарра хылаԥшра анаҭо иалагеит. Ахәмарра актәи ахәҭаҿы ажәылаҩ Руслан Ахвледиани 1:0 ҳәа аԥхьаӡара ааиртит.

Аҩбатәи ахәҭаҿы, ахәмарра ахыркәшара рацәак агымкәа Лаша Кәаӷәаниа ампыл ҭаиршәит. Ахәмарра хыркәшахеит 2:0 ҳәа.

Аԥснытәи акоманда ConIFA — 2016 иачемпионцәоуп.

Ихьыԥшым ашьапылампылтә ассоциациақәа Рконфедерациа ConIFA шьаҭадыркит рашәара 7 2013 шықәса рзы. Еиднакылоит FIFA иалахәым 40 команда.

© Фото : Дмитрий ПагаваМатч сборной Абхазии против корейцев Японии
Матч сборной Абхазии против корейцев Японии - Sputnik Аҧсны
Матч сборной Абхазии против корейцев Японии

Ажәабжьқәа зегьы
0