Аԥснытәи "Уругваи" Урыстәылазегьтәи ашьапылампыл турнир аҿы аиааира агеит

© Фото : Гуранда ХашбаАбхазский Уругвай выиграл Всероссийский футбольный турнир в Сочи
Абхазский Уругвай выиграл Всероссийский футбольный турнир в Сочи - Sputnik Аҧсны
Анапаҵаҩра
Ақәыԥшцәа ршьапылампылтә клуб "Динамо" Аҟәа Уругваи азы ихәмаруан Урыстәылазегьтәи атурнир Hopes Cup "World Cup Sochi 2018" аҿы.

АҞӘА, рашәара 11 – Sputnik, Бадраҟ Аҩӡба. Ақәыԥшцәа ршьапылампылтә клуб "Динамо" Аҟәа Урыстәылазегьтәи атурнир Hopes Cup "World Cup Sochi 2018" аҿы Уругваи азы ихәмаруан. Аиааирагьы ргеит ҳәа Sputnik акорреспондент изеиҭалҳәеит акоманда администратор Гуранда Ҳашԥҳа.

ФК Динамо Сухум на турнире Hopes Cup World Cup Sochi 2018 - Sputnik Аҧсны
Аԥсны Уругваи ахьӡала иқәгылоит Шәачатәи ашьапылампылтә турнир аҿы

Афинал аҿы Аԥснытәи аспортсменцәа ирындаҭлон адлертәи ашьапылампылтә клуб "Черноморец" ахәмарыҩцәа (Германиа).

"Ахәмарра акыр еибарххан. Ахәмарыҩцәа рыҩаӡара еиҟаран. Пенальти ҟалар ҳәа ҳшыԥшыз, ҳахәмарыҩ Тигран Манукиан ампыл амба аҭаршәра илиршеит", — лҳәеит лара.

Ҳашԥҳа лажәақәа рыла, атурнир Hopes Cup "World Cup Sochi 2018" иреиӷьу ажәылаҩ ҳәа дшьоуп ахәмарыҩ Тимур Кенџьиа.

Урыстәылазегьтәи атурнир Hopes Cup "World Cup Sochi 2018" мҩаԥысуан Шәача, рашәара 2 — 10 рыбжьара.

Hopes Cup "World Cup Sochi 2018" иалахәын Урыстәыла арегионқәа рҟынтәи акомандақәа жәабеи аԥснытәи акоманда "Динамои".

Ажәабжьқәа зегьы
0