Аԥснытәи аекскурсиамҩаԥгаҩцәа аттестациақәа еиҭархысуеит

© Sputnik Владимир БегуновТуристы на экскурсии
Туристы на экскурсии - Sputnik Аҧсны
Анапаҵаҩра
НовостиTelegram
Аԥсны Акурортқәеи атуризми рминистрра ареестр иахьазы иҭаҩуп 148-ҩык актәи акатегориа аекскурсиамҩаԥгаҩцәа, 65-ҩык - аҩбатәи акатегориа.

АҞӘА, рашәара 19 — Sputnik, Бадраҟ Аҩӡба. Аԥснытәи аекскурсиамҩаԥгаҩцәа шәҩык инарзынаԥшуа рдокументқәа нарышьҭит аттестациа аиҭахысразы. Урҭ рҟынтәи 36-ҩык акатегориақәа рыҭоуп ҳәа Sputnik иазеиҭеиҳәеит Аԥсны Акурортқәеи атуризми рминистр ихаҭыԥуаҩ Асҭамыр Ахба.

"Аекскурсиамҩаԥгаҩцәа есышықәса атетестациа иахрыжьуеит. Иҟоуп аҩбатәи акатегориа змоу", — иҳәоит иара.

Аттестацта ахысра аԥхьа аекскурсиамҩагаҩцәа акурсқәа ирхысны рдокументқәа нарышьҭроуп аттестациа аиҭахысразы ҳәа иҳәоит аминистр ихаҭыԥуаҩ.

Автондал Гарцкия. - Sputnik Аҧсны
Гарцкьиа: амцҳәаҩцәа ирхырҟьаны аԥхасҭа зауз хәыда-ԥсада иҳадаҳкылоит

"Адокументқәа еиқәшәазар, акомиссиа амаршрутқәеи апрограммақәеи рыла азҵаарақәа рыҭаны аттестациа иахрыжьуеит. Абри ашьҭахь ироуеит аттестациа ишахысыз азы аршаҳаҭга", — иҳәоит иара.

Абри адокумент шьаҭас иҟаҵаны аекскурсиамҩаԥгаҩцәа атуристтә екскурсиатә еиҿкаарақәа рҟны русура хацдыркыр алшоит.

" 50 мшы (50 реис) атуристтә екскурсиатә еиҿкаарақәа рҟны аус зуз аекскурсиамҩаԥгаҩ шықәсык астаж иоуеит. Хы-шықәсатәи иусура ашьҭахь иара иоур алшоит аҩбатәи акатегориа. Усҟан иара 150 реис мҩаԥигахьазароуп", — иҳәеит иара.

Асҭамыр Ахба иазгәеиҭеит аҩбатәи акатегориа змоу аекскурсиамҩаԥгаҩ ԥшьы-шықәса рышьҭахь аттестациа деиҭахысыр шакәу.

Асҭамыр Ахба ииҳәаз шәазыӡырҩыр шәылшоит абра>>

Аԥсны Акурортқәеи атуризми рминистрра ареестр аҿы иҭаҩуп 148-ҩык аекскурсиамҩаԥгаҩцәа актәи акатегориа змоу, 65-ҩык аҩбатәи акатегориа змоу.

Ажәабжьқәа зегьы
0