АҞӘА, рашәара 21 – Sputnik, Бадри Есиава. Аԥшаарақәа хацзыркыз АҶА аӡхәыҵалаҩцәа аԥшьаша, рашәара 21, ашьыжь ирыԥшааит аԥсыбаҩқәа. Абри атәы ааицҳауеит ареспублика АҶА апресс-маҵзура аиҳабы Мизан Ломиа.
"Аҷкәынцәа ҭахеит. Кьылашәыр амшын иахьалало аҭыԥ аҿы аводолазцәа ирыԥшааит", — ҳәа еиҭеиҳәоит Ломиа.
Ахаша, рашәара 20, асааҭ 15:45 рзы Аԥсны Аҭагылазаашьа ҷыдақәа рахь иҟаҵан адырра ҩыџьа ақалақь ауааԥсыра ыӡит ҳәа.
