Ацентр "Абхазская энциклопедия" апроектқәа хԥа ӡырнагеит

CC0 / / Книги и учебники
Книги и учебники - Sputnik Аҧсны
Анапаҵаҩра
НовостиTelegram
Аҭҵаарадырратә центр "Абхазская энциклопедия" аԥҵан 2018 шықәса хәажәкырамзазы.

АҞӘА, рашәара 25 – Sputnik, Сариа Кәарацхьелиаԥҳа. Аҭҵаарадырратә центр "Абхазская энциклопедия" ҩышықәса рыҩныҵҟа иагәҭакуп апроектқәа хԥа аус рыдулара ҳәа азгәеиҭеит ацентр адиректор Уасил Аҩӡба, рашәара 25 рзы АРСМИРА имҩаԥысуаз апресс-конференциаҿы.

"Ҳара ҳзы даара иаҭахны иҟоуп аенциклопедиатә жәар. Ҩы-шықәса рыҩныҵҟа абри аус наҳагӡап ҳәа ҳагәҭакуп. Аҭыжьра иазҳархиараны иҟоуп 100 кьыԥхь бӷьыцк иҟоу "Абхазия. Краткий энциклопедический словарь" захьӡу ажәар. Иара убасгьы аус адааулараны иҟоуп аҩбатәи апроект – "Абхазский исторический биографический словарь". Арахь иаҵанакуеит зыԥсҭазаара иалҵхьоу, Аԥсназы зџьа дууз атәылауаа хатәрақәа. Ахԥатәи апроект – уи иахьазы зыԥсы ҭоу, атәылаҿ еицырдыруа ауаа рҭоурыхқәа ртәы иалацәажәо ҭыжьымҭахоит", — иҳәеит ацентр адиректор Уасил Аҩӡба.

Аҩӡба ишазгәеиҭаз ала апроектқәа рыхԥагь аамҭак ала рынагӡара залшом, аха аенциклопедиатә жәар азы аматериал аизгара нап адыркхьеит.

"Аиҳарак актәи апроект нап алаҳкхьеит. Иалаҳкаахьеит статиа-цыԥхьаӡа равторцәа. Аусурақәа ирҿуп", — ҳәа иҳәоит ацентр адиректор.

Русско-абхазский словарь. - Sputnik Аҧсны
Ажәар ахархәара қьарс иалоу

Ажәарқәа урыс бызшәала рҭыжьра азыԥхьагәаҭоуп. Аԥсуа бызшәахь нас реиҭагара иалагоит. Аҭҵаарадырратә центр иагәҭакуп аԥснытәиқәа реиԥш аҳәаанырцәтәи аҵарауаагьы аус рыцура.

Арҭ аенциклопедиақәа рҭыжьра ахәԥса заҟа инаӡоу ацентр макьаназ иазышьақәмыргылацт. Атиражқәа рыӡбахә аҳәарагьы макьаназ изаацәоуп. Адиректор иажәақәа рыла ажәарқәа ишахәҭоу еиԥш ирызҭыжьыр ртиражгьы 2000 екземплиар рҟынӡа рыҟаҵара рыгәҭакуп.

"Научно-исследовательский центр "Абхазская энциклопедия" ашьаҭаркра ӡбан Аԥсны Аминистрцәа реилазаараҿы 2018 шықәса хәажәкыра 29 рзы. Ацентр аус ауеит Аԥсны раԥхьатәи Ахада Владислав Арӡынба ихьӡ зху Афонд ахыбраҿы.

2018 шықәсазы ацентр абиуџьет иартәоит миллионки хышә-нызқь мааҭ аԥара. Ацентр аҿы аус руеит жәаҩык ауаа, урҭ рҟынтәи быжьҩык ҵарауаауп.

Ажәабжьқәа зегьы
0