Ԥшьҩык аԥсуаа Ҭырқәтәыла Апарламент ахь ркандидатурақәа ықәыргылоуп

© Sputnik / Алтан Гочер / Амедиаҵәахырҭахь аиасраПрезидентские и парламентские выборы в Турции
Президентские и парламентские выборы в Турции - Sputnik Аҧсны
Анапаҵаҩра
НовостиTelegram
Амҽыша, рашәара 24 рзы Ҭырқәтәыла иаатит абжьыҭиразы алхырҭатә ҭыԥқәа заанаҵтәи апрезиденттәи апарламенттәи лхрақәа рымҩаԥгаразы ҳәа аанацҳауеит РИА Новости.

АҞӘА, рашәара 25 – Sputnik. Ԥшьҩык аԥсуаа Ҭырқәтәыла Апарламент ахь ркандидатурақәа ықәыргылоуп ҳәа Sputnik иазеиҭеиҳәеит Ҭырқәтәыла иҟоу Аԥсны Ахаҭарнак Вадим Ҳаразиа.

"Енгин Ҭаскуач-ипа (Папба) апровинциа Сакариа ахьӡала дықәгылоуп. Иара идагьы кандидатс иқәгылоуп Зафер Кьылба, ақалақь Диузџье аҟынтәи, Елиф Ашьхаруа Сакариа ақалақь аҟынтәи. Елиф Аԥсны Аџьынџьтәылатә еибашьраан хатәгәаԥхарала иаақәаз дреиуоуп", — иҳәеит Ҳаразиа.

 Урҭ рыдагьы икандидатура ықәгылоуп Мухамед Иашба (Адапазар). Ҭырқәтәыла иахьаҵанакуа иаартуп 180 нызқь алхырҭатә ҭыԥ.

 "Енгина Таскуач-иԥеи (Папба) Зафер Кьылбеи хымԥада ицап ҳәа ҳгәыӷуеит. Ииашаны иуҳәозар, рыԥшьҩыкгьы алырхып ҳәа ҳаҟоуп", — иҳәоит иара.

 Амҽыша, рашәара 24 рзы Ҭырқәтәыла иаатит абжьыҭиразы алхырҭатә ҭыԥқәа заанаҵтәи апрезиденттәи апарламенттәи лхрақәа рымҩаԥгаразы.

Алхратә биуллитень иануп: Ҭырқәтәыла иахьатәи апрезидент Таип Ердоган (Аиашареи аҿиареи рпартиаҟынтәи), Мухаррем Индже (аоппозициатә Жәлар-республикатә партиа аҟынтәи), Селахаттин Демирташ (акурдцәа ирыдгыло жәлар рдемократиа Апартиа), Мераль Акшенер (Апартиа бзиа аҟынтәи), Темел Карамоллаоглу (Анасыԥ Апартиа аҟынтәи), Догу Перинчек (апартиа "Родина" аҟынтәи).

Абжьыҭира азин рымоуп 56,3 миллионҩык алхыҩцәа.

Ажәабжьқәа зегьы
0