ЕАШ акиноакадемиахь инаԥхьоуп ԥшьҩык урыстәылауаа

Анапаҵаҩра
НовостиTelegram
Акинемотаграфиатә ҟазараз ЕАШ акиноакадемиа ашәахьаҽны аҳәамҭа ҟанаҵеит аилазаарахь ишнанаԥхьаз 59 тәыла рҟынтәи 928-ҩык акино азҟазауаа.

АҞӘА, рашәара 26 — Sputnik. ЕАШ акиноакадемиахь инаԥхьоуп ԥшьҩык урыстәылауаа: акинооператор Михаил Кричман, сценарист Олег Негин, амонтажҟаҵаҩ Анна Масс, акомпозитор Софиа Губаидулина ҳәа аанацҳауеит РИА Новости.

Америкатәи акиноакадемикцәа акинооператор Михаил Кричман, сценарист Олег Негин, амонтажҟаҵаҩ Анна Масс алыркааит арежиссиор Андреи Звиагинцев икинофильмқәа "Левиафан" "Нелюбовь" раԥҵараҿы аус ицызуаз ракәны.

София Губаидулина – афильмқәа "Вертикаль" (1967) "Мария – королева Шотландии" (2013) ирзылҩыз амузыказ.

Акиноакадемиа алахәраз рыӡбахә ҳәоуп —"Оскар" азы иқәгылоу актерцәа Тимоти Шаламеи Дениел Калуи, акомедиатә актриса Еми Шумер. Алахәыларазы анаԥхьара рымоуп иара убасгьы: франциатәи арежиссерцәа Мишель Гондрии Жан-Пьер Женеи, италиатәи арежиссер Лука Гуаданьино, кореиатәи арежиссер Ли Чхан Дон, китаитәи арежиссер Лоу Е, америкатәи арежиссер Шон Беикер у.у.е. адокументалистика знапы алаку рҟынтәи инаԥхьоуп Казан ииз америкатәи арежиссер Евгени Афинеевски (адокументалтә лентақәа "Зима в огне" "Слезы из Сирии" рзы).

Ажәабжьқәа зегьы
0