АҞӘА, ԥхынгәы 2 – Sputnik. Афестиваль ааиртуеит еицырдыруа америкатәи аџазтә музыкант Рональд Беикер. Афестиваль аҳәаақәа ирҭагӡаны имҩаԥысуеит Армен Мерабов итрио ақәгыларагьы.
Афестиваль иалахәхоит аԥснытәи амузыкатә гәыԥ "Red Rocks". Агәыԥ агитарарҳәаҩ Алиас Думаа ари ахҭыс ConIfa аверсиала 2016 шықәса рзы Аԥсны имҩаԥысуаз ачемпионат иадикылоит.
Алиас Думаа радио Sputnik Аԥсны иазеиҭеиҳәеит дара раԥхьаӡа акәны афилармониа асценаҿы ишықәгыло.
"Ҳара агәахәара ду ҳнаҭоит ари ахҭыс. Даара аинтерес ҳзаҵоуп. Апрограмма рхианы иҟоижьҭеи акрааҵуан. Ақәгылара ҳазыхиоуп", — иҳәоит Думаа.
Иагьазгәеиҭеит азыӡырыҩцәа адгылара рырҭап ҳәа дышгәыӷуа. Думаа иҳәеит ареспубликаҿ аџььаз бзиа ишырбо аха уи аҩыза аиндустриа шаԥҵам.
"Ирацәаҩуп аџаз бзиа избо. "Red Rocks" ақәгыларақәа рахь ауаа маҷымкәа инеиуеит", — ҳәа еиҭеиҳәоит Алиас Думаа.
Аҳәынҭқарратә филармониаҿы ақәгылара акыр игәырхыҭхыҭгоуп иҳәоит иара.
III Жәларбжьаратәи аџазтә фестиваль "СУХУМ – АҞӘА JAZZ FEST" мҩаԥгахоит Аҟәа Аԥсны Акультуреи аҭоурых-культуратә ҭынха ахьчара аминистрра адгыларала. Афестиваль ааиртуеит еицырдыруа америкатәи аџазтә музыкант Рональд Беикер. Афестиваль аҳәаақәа ирҭагӡаны имҩаԥысуеит Армен Мерабов итриои Алексеи Черемизов итриои рықәгыларагьы.
Афестиваль сасык иҳасаб ала далахәхоит Мариам Мерабова. Афестиваль хыркәшахоит аԥснытәи агәыԥ "Red Rocks" ақәгыларала.
