АҞӘА, ԥхынгәы 12 — Sputnik. Хорватиатәи ашьапылампыласратә команда аамҭацҵала Англиатәи ахәмарыҩцәа ираԥыргеит афиналбжатә хәмарраҿы ҳәа аанацҳауеит Р-Спорт.
Москватәи астадион "Лужники" аҿы ари аиԥылара хыркәшахеит 2:1 ҳәа. Актәи ампыл ҭаиршәит англыз спортсмен Киран Триппьер. Иаарласны уи аҭак ҟаиҵеит ахорват Иван Перишич. Аамҭацҵазы хорватаа аииаира днаргеит 109-тәи аминуҭ азы Марио Манджукич иҭаиршәыз ампыл.
Ԥхынгәы 15 рзы "Лужники" Хорватиеи Франциеи еизгоу ркомандақәа еиԥылараны иҟоуп. Мышкы уи аԥхьа Санкт-Петербург ахԥатәи аҭыԥ азы еиндаҭлоит Англиеи Бельгиеи ркомандақәа.
