Аԥсны имҩаԥысраны иҟоуп ашахмат азы жәларбжьаратәи ачемпионат

© Sputnik / Роберт ДжопуаШахматный турнир "Абхазия Open". Фото с места события
Шахматный турнир Абхазия Open. Фото с места события - Sputnik Аҧсны
Анапаҵаҩра
Аԥсны ақалақьқәа ԥшьба рҟны имҩаԥысраны иҟоуп ашахмат азы жәларбжьаратәи ачемпионат Abkhazia Open 2018 ԥхынгәы 13 инаркны нанҳәа 12 рҟынӡа.

АҞӘА, ԥхынгәы 13— Sputnik. Ашахмат азы жәларбжьаратәи ачемпионат Abkhazia Open 2018 аатуеит Очамчыра ақалақь аҿы ԥхынгәы 13 рзы ҳәа иҳәеит радио Sputnik аинтервиу азҭаз Аԥсны ашахмат азы Афедерациа апрезидент Константин Ҭыжәба.

Ҭыжәба иажәаәқа рыла 15 шықәса рыҩныҵҟа Аԥсны ашахматтә туризм акыр ахархәара змоу хырхарҭаны иҟалеит.

"Ҳгәаанагарала Очамчыра 70-ҩык рҟынӡа алахәылацәа ҟалоит, Аҟәа – 200 иреиҵамкәа", — иҳәеит иара.

Аиҿкааҩцәа ишырҳәо ала ачемпионат азыҟаҵара ҳарак амоуп.

"Аԥсны иреиӷьу азалқәа ҳарҭоит. Иаҭахны иҟоу аинвентарь ҳамоуп. Ачемпионат аартхоит ԥхынгәы 13 рзы Очамчыра, нас имҩаԥысуеит: ԥхынгәы 21 рзы Гәдоуҭа, нанҳәа 2 рзы Аҟәа, нанҳәа 12 рзы Гагра иаркхоит", — иҳәеит Ҭыжәба.

Ашахматистцәа ирымоуп алшара қалақьк аҿы ахалархәра адагьы Аԥсны иахьаҵанакуа имҩаԥысуа атурнирқәа зегьы рхы рыладырхәыр.

Аԥсны ақалақьқәа ԥшьба рҟны имҩаԥысраны иҟоуп ашахмат азы жәларбжьаратәи ачемпионат Abkhazia Open 2018 ԥхынгәы 13 инаркны нанҳәа 12 рҟынӡа.

Ажәабжьқәа зегьы
0