РУСДРАМ аҿы ахәыҷтәы студиа аусура иалагоит

© Sputnik Томас ТхайцукГосударственный русский театр драмы
Государственный русский театр драмы - Sputnik Аҧсны
Анапаҵаҩра
Фазиль Искандер ихьӡ зху Аурыс драматә театр аҿы 2018 шықәсазы иаадыртуеит ахәыҷтәы студиа.

АҞӘА, ԥхынгәы 17 – Sputnik, Бадраҟ Аҩӡба. Фазиль Искандер ихьӡ зху Аурыс драматә театр аҿы 2018 шықәсазы иаадыртуеит ахәыҷтәы студиа иҳәеит РУСДРАМ адиректор хада Иракли хынҭәҩа, ԥхынгәы 16 рзы имҩаԥигаз абрифинг аҿы.

Первый детский мюзикл Волшебный глобус музыкальной студии Некст - Sputnik Аҧсны
РУСДРАМ аҿы раԥхьаӡа акәны имҩаԥысит ахәыҷтәы миузикл арбара

"Ҳара ибзианы еилаҳкаауеит атеатр азы актиорцәа рабиԥара ҿыц шеиҵааӡатәу. Убри азы иҳаӡбеит ахәыҷтәы студиа ааҳартырц. Уи акыр ҳазхәыцхьан. Уажәшьҭа еилыкка иаадыруеит иҟаҳҵарц иаҳҭаху", — иҳәеит иара.

Иракли Хынҭәба иҳәеит атеатр ахь аҭаацәа шнеиуа, урҭ аҳәара шыҟарҵо рхәыҷқәа актиортә ҟазара рыларааӡарц. Иара иазгәеиҭеит атеатр аҿы ишыҟоу ауаа абри апроект назыгӡаша.

"Ахәыҷқәа адраматә ҟазара, авокал, акәашара уҳәа рҵоит, адыррақәа рырҭоит. Ҳактиор Џьамбул Жьорданиа ахәыҷқәа аус рыцушьа дақәшәоит. Амиузиклқәа ықәҳаргылоит, ахәыҷтәы спектакльқәа еиҿаҳкаауеит", — ҳәа еиҭеиҳәоит РУСДРАМ адиректор хада.

Иара иажәақәа рыла, атеатр асезон хыркәшахоит цәыббра 21 рзы, аспектакль "Игрок" ала.

Ажәабжьқәа зегьы
0