Адыгатәыла Ахада усутә визитла Аԥсныҟа даараны дыҟоуп

© Sputnik / Алексей Дружинин / Афотобанк ахь аиасраПрезидент РФ В. Путин встретился с Асланом Тхакушиновым и Муратом Кумпиловым
Президент РФ В. Путин встретился с Асланом Тхакушиновым и Муратом Кумпиловым - Sputnik Аҧсны
Анапаҵаҩра
Yandex newsTelegram
Аԥсны Аҳәынҭқарра Ахадеи Адыгатәыла Ахадеи рылацәажәараны иҟоуп ареспубликақәа рыбжьара ԥхьаҟатәи аизыҟазаашьақәа.

АҞӘА, ԥхынгәы 20 – Sputnik. Адыгатәыла Ахада Мурат Кумпилов усутә ныҟәарала Аԥсныҟа даараны дыҟоуп ԥхынгәы 21 рзы, асабша.

Аԥсны Аҳәынҭқарра Ахада Рауль Ҳаџьымбеи Адыгатәыла Ахада Мурат Кумпилови рылацәажәараны иҟоуп ареспубликақәа рыбжьара ԥхьаҟатәи аизыҟазаашьақәа. Абри атәы аанацҳауеит Аԥсны Ахада иофициалтә саит.

"Мурат Кумпилов Аԥсны даҭаауеит мышктәи усутә ныҟәарала. Аԥсны Аҳәынҭқарра Ахада Рауль Ҳаџьымбеи Адыгатәыла Ахада Мурат Кумпилови рылацәажәараны иҟоуп ареспубликақәа рыбжьара ԥхьаҟатәи аизыҟазаашьақәа", — ҳәа аҳәоит аофициалтә саит адырраҭара.

Рауль Ҳаџьымбеи Мурат Кумпилови иара убасгьы ирылахәхараны иҟоуп Аҟәеи Гәдоуҭеи игылоу Урыстәылатәи афедерациа арратә база 100 шықәса ахыҵра иазку аныҳәатә уснагӡатәқәа.

Ажәабжьқәа зегьы
0