Евроеидгыла апрограмма "Шаг к лучшему будущему" анагӡара иадгылоит

© Sputnik / Aleksey Vitvitsky / Афотобанк ахь аиасраТуристы в отражении эмблемы ЕС
Туристы в отражении эмблемы ЕС - Sputnik Аҧсны
Анапаҵаҩра
Yandex newsTelegram
Қырҭтәыла Аԥыза-министр Георги Квирикашвили мшаԥы 4 рзы дықәгылеит аԥшьгара "Шаг к лучшему будущему" ардыррала. Иара игәаанагарала ари апрограмма азырхоуп Аԥсны ауааԥсыра ргуманитартәии рсоциал-еканомикатәии ҭагылазаашьа аиӷьтәра.

АҞӘА, ԥхынгәы 20 — Sputnik. Евроеидгыла апрограмма "Шаг к лучшему будущему" анагӡара иадгылоит ҳәа аԥшьашаҽны аҳәамҭа ҟаиҵеит Еврохеилак ахада Дональд Туск, ҳәа аанацҳауеит РИА Новости.

НАТО - Sputnik Аҧсны
Столтенберг аҽазныкгьы Аԥсни Аахыҵ Уаԥстәылеи Урыстәыла ар алгатәуп иҳәеит

Апрограмма иазыԥхьагәанаҭоит аилахәаахәҭратә ҭагылазаашьа армариара, зхаҭабзиара ҳараку аҵарадырра аиура, аԥсуааи ауаԥсааи Қырҭтәыла иамоу аԥыжәарақәа рылархәра амеханизм, Евроеидгылеи Қырҭтәылеи ирыбжьоу визада аиҭанеиааира арежим ахархәара аиура.

"Евроеидгыла ԥхьаҟагьы адгылара анаҭалоит Қырҭтәыла иҟанаҵо аимак ҭынчмҩала аҭышәныртәалараз аҽазышәарақәа. Ҳара ибзиоуп ҳәа ахаҳҳәаауеит аилахәаахәҭратә ҭагылазаашьа армариара, зхаҭабзиара ҳараку аҵарадырра аиура, аԥсуааи ауаԥсааи Қырҭтәыла иамоу аԥыжәарақәа рылархәра амеханизм, Евроеидгылеи Қырҭтәылеи ирыбжьоу визада аиҭанеиааира арежим ахархәара аиура азыԥхьагәазҭо апрограмма "Шаг к лучшему будущему", — иҳәеит Туск Бриуссель Қырҭтәыла Аԥыза-министр Мамука Бахтаӡеи иареи реиԥылара ашьҭахь.

Туск иажәақәа рыла Евроеидгылеи Қырҭтәылеи еиҩызцәоуп, еизааигәоу партниорцәоуп.

Туск иара убасгьы иҳәеит дшақәгәыӷуа Евроеидгылеи Қырҭтәылеи русеицура арегион аҟны аҭынчреи ашәарҭадареи рышьақәыргыларазы.

Ажәабжьқәа зегьы
0