Трамп Путин Вашингтонҟа инаԥхьара дазыхиоуп

© REUTERS/Jorge SilvaВладимир Путин и Дональд Трамп на саммте АТЭС во Вьетнаме
Владимир Путин и Дональд Трамп на саммте АТЭС во Вьетнаме - Sputnik Аҧсны
Анапаҵаҩра
Yandex newsTelegram
Еиду Америкатәи Аштатқәа рпрезидент ипресс-маӡаныҟәгаҩ Сара Сандерс имҩаԥылгоз абрифинг аҟны илҳәеит Америка апрезидент Дональд Трамп дшазыхиоу Урыстәыла Ахада Владимир Путини иареи реиҿцаара.

АҞӘА, ԥхынгәы 20— Sputnik. Дональд Трамп Владимир Путин Вашингтонҟа днеиԥхьоит сынтәатәи ашықәс ҭагалан азы ҳәа аанацҳауеит РИА Новости Еиду Америкатәи Аштатқәа рпрезидент ипресс-маӡаныҟәгаҩ Сара Сандерс лажәақәа ҵаҵӷәыс иганы.

Donald Trump - Sputnik Аҧсны
Трамп далацәажәеит Путини иареи реиԥылара мҩаԥысып ҳәа ишибо

"Хельсинки апрезидент дақәшаҳаҭхеит атәылақәа рыҩба ршәарҭадаратә хеилакқәа рхаҭарнакцәа русутә еиԥылара. Апрезидент Трамп амилаҭтә шәарҭадараз иабжьагаҩ Джон Болтон иахь аҳәара ҟаиҵеит Владимир Путин Вашингтонҟа сынтәатәи ашықәс ҭагалан азы инеира еиҿкаахарц. Абри аганахь ала аилацәажәарақәа мҩаԥысуеит", — ҳәа лҩит Сандерс Twitter аҿы.

Уаанӡа Дональд Трамп аҳәамҭа ҟаиҵахьан Владимир Путини иареи реиԥылара ҿыц дшазыԥшу.

Аҩбатәи аиԥылараан ирылацәажәараны иҟоуп атерроризм аҿагылара, Израиль ашәарҭадара, аиадертә бџьар аламырҵәара, аекономикатә усеицура уҳәа ирацәаны азҵаарақәа.

Ԥхынгәы 16 рзы Хельсинки имҩаԥысит Путини Трампи раԥхьатәи реиԥылара.

Ажәабжьқәа зегьы
0