АҞӘА, ԥхынгәы 31 — Sputnik. Евроеидгыла урыстәылатәи аилахәырақәа фба, Ҟрымтәи ацҳа аргылара иалахәыз, рганахь ала асанкциақәа аланагалеит. Абри атәы аанацҳауеит РИА Новости.
"Ҟрыми Севостополи аннексиа рзура азхамҵара аусмҩаԥгатәқәа рҳәаақәа ирҭагӡаны Евроеидгыла ахеилак Керчтәи ацҳа аргылареиԥш ԥхьаҟатәи ахархәарагьы Украина аҵакырадгьылтә акзаареи асуверинитети ахьыԥшымреи ҵызшәаауа акакәны иахәаԥшуеит", — ҳәа аҳәоит адокумент аҿы.
Асанкциақәа ирыҵадыркит аилахәырақәа: "Стройгазмонтаж-Мост", АО "ВАД", судостроительный завод "Залив", ПАО "Мостотрест", институт "Гипростроймост", "Стройгазмонтаж – СГМ Груп".
Евроеидгыла асанкциатә сиа иаҵанакуа аиҿкаарақәа рхыԥхьаӡара 44 ыҟоуп. Иара убасгьы 155 хаҿы рганахь ала аԥкрақәа аԥҵоуп.
