АҞӘА, нанҳәа 2 – Sputnik. Аԥсны иҟоу Аладатәи арратә округ амотохысцәа сынтәа раԥхьаӡа акәны ашьхатә полигон Ҵабали аполигон Нагвалоуи рҟны аҽазыҟаҵарақәа рымҩаԥгара иалагеит, ҳәа ааицҳауеит Аԥсны иҟоу Аладатәи арратә округ апресс-маҵзура аиҳабы Вадим Астафиев.
Урыстәыла аладатәи арратә Округ арратә база аҿы изаамҭанытәиу азыҟаҵарақәа мҩаҧысуеит. Ахысгатә бџьар, БТР-82АМ ҳәа изышьҭоу акәылӡтранспортиорқәеи, КамАЗ, "Мустанг" ҳәа изышьҭоу акәылӡмашьынақәеи ахархәара рыҭоуп. Абри атәы ҳзаанацҳаит Аокруг апресс-маҵзура.
Ауснагӡатәқәа рыҽрыладырхәуеит ҩ-нызқьи хәышәҩык аррамаҵзурауаа, ахархәара рыҭахоит фышә цыра рҟынӡа атехника.
Аррамаҵзурауаа ирҵоит адәтәы лагерқәа реиҿкаашьа, арратә техника аҵәахышьа, ахысшьа, атактикатәи анџьныртәи ҽазыҟаҵара.
Аҽазыҟаҵара актәи аетап аан аԥшыхәра-диверсиатә гәыԥқәа рқәылара аԥхьдырҟәҟәаауеит, "аӷа" иавиациа ахылараан аҳауаҽацәыхьчара мҩаԥыргоит.
Аҩбатәи аетап аан "аӷа" имшын-десант ахыҵраан амшынԥшаҳәа импыҵҟьара аепизод мҩаԥгахоит.
Ахԥатәи аетап аан ахысрақәа мҩаԥгахоит атанкқәа Т-72Б3, БТР-82А, аминометқәа "Сани", РПО-А "Шмель", артилерриатә шьақәгылақәа "Гвоздика", агранатаршәгақәа АГС-17 РПГ-7 уҳәа рҟынтәи.
