АҞӘА, нанҳәа 3— Sputnik. Нанҳәа хԥа инаркны аҳәаанырцәтәи апаспортқәеи амашьынарныҟәцаразы аршаҳаҭгақәеи рзы аҳәынҭқарратә баџь шьҭырхит ҳәа аанацҳауеит РИА Новости.
Ԥхынгәымза алагамҭазы Владимир Путин инапы аҵаиҩит афедералтә закәан "Аелектронтә чипқәа змоу адокументқәа рзы аизгақәа рышьҭыхра азы". Иара амчра аиуит официалла абри атәы аныркьыԥхь инаркны мызкы анҵы ашьҭахь.
Аҳәаанырцәтәи апаспорт азы абаџь 3,5 нызқь рҟынтәи 5 рҟынӡа ишьҭыхуп, 14 шықәса зхымҵыц рзы — зқьи бжаки рҟынтәи 2,5 нызқь рҟынӡа ихалеит.
Амашьына арныҟәцаразы аршаҳаҭга ҿыц азы абаџь х-нызқь мааҭ артәоит. Атранспорттә хархәага аҭаҩразы адокумент ахә акәзар, 500 мааҭ акәымкәа 1300 мааҭ рахь ихалеит.
