АҞӘА, нанҳәа 10 — Sputnik. Зықәра намӡац Адемократиатә Республика Конго атәылауаҩ лаҳәшьеиҳаб лдокументқәа рхархәарала Аԥсныҟа аара лыгәҭакын ҳәа аанацҳауеит аинтернет-портал "Кубань 24".
"Зықәра намӡац Адемократиатә Республика Конго атәылауаҩ лаҳәшьеиҳаб лдокументқәа рхархәарала Аԥсныҟа аара лыгәҭакын. Хәбаҟа шықәса ҵуеит лареи лҭаацәеи Шәача инхоижьҭеит. Сынтәа лара урыстәылатәи аҵараиурҭа дҭалеит. Иаарласны Урыстәыла атәылауаҩра лоураны дыҟоуп", — ҳәа аҳәоит адырраҭараҿы.
Лара ишларҳәаз ала лҭаацәа ақәшаҳаҭымкәа аҳәаа дзахысуамызт 17 шықәса дахьеиҳам азы. Убри азы илыӡбеит лаҳәшьеиҳаб лдокументқәа лхы иалырхәарц.
Аҳәааҟны лара аҳәаахьчаҩцәа дааныркылеит.
Ахҭыс инамаданы аусҭҵаара хацыркуп.
