Генуиа иҟалаз арыцҳара аҭҵаара иаҿуп

Анапаҵаҩра
НовостиTelegram
Генуиа, нанҳәа 14 рзы ацҳа ахьҭабгаз иахҟьаны 39-ҩык ҭахеит.

АҞӘА, нанҳәа 16 — Sputnik. Италиатәи ақалақь Генуиа апрокурор Франческо Коцци аҳәамҭа ҟаиҵеит автомабилтә цҳа аҭабгара иара аргылараан иҟаҵаз агхақәа ирыхҟьеит ҳәа. Абри атәы аанацҳауеит РИА Новости.

Уажәазы апрокуратура ацҳа андыргылозтәи адокуменқәеи усҟан аус зуаз рҿахәқәеи реизгара иаҿуп.

Крушение моста в Генуе - Sputnik Аҧсны
Генуиа ақалақьаҿ аԥсыҭбарақәа зцу арыцҳара ҟалеит

"Ҳара аҭак ҟаҳҵароуп азҵаара – избан? уи азы иҳалшогьы иҳалымшогьы ҟаҳҵоит", — иҳәеит иара.

Уажәазы иҟоуп ашәарҭара ахьыҟалаз ацҳа ахәҭақәа руак ҭабгар алшоит ҳәа. Ауаа уи аҭыԥ аҟынтәи иқәгоуп.

Арегион Лигуриа апрефектура аҳәамҭа ҟанаҵеит ацҳа ааигәа-сигәа инхоз 600-ҩык ауаа рынхарҭаҭыԥқәа ирхыгоуп ҳәа.

"Арыцҳара ахараҵатәуп ацҳа зыргылоз аилахәыра Autostrade per l'Italia", — иҳәеит Италиа аекономикатә ҿиара аминистр Луиджи Ди Маио.

Autostrade per l'Italia акәзар ахара мап ацәнакуеит.

Аилахәыра ахада Джованни Кастеллуччи иҳәеит аҵыхәтәантәи аремонт атехникатә нормақәа ирықәшәон ҳәа.

 

Ажәабжьқәа зегьы
0