АҞӘА, нанҳәа 22 – Sputnik, Сариа Кәарацхьелиа. Атәыла Ахада ихаҭыԥуаҩ Витали Габниа инапынҵақәа рааныжьра иамзызны иазгәеиҭеит ииасыз амчыбжь азы аҭыԥ змаз ахҭыс. Абри азы аҳәамҭа ҟаиҵеит апресс-конференциаҿы.
Витали Габниа инапынҵақәа рааныжьра иамзызны иазгәеиҭеит ииасыз амчыбжь азы аҭыԥ змаз ахҭыс.
"Сара смаҵзура аансыжьроуп сыхьӡ-сыԥша ахьчаразы. Иҟасҵо аполитика акала иадҳәалам", — иҳәеит иара.
Атәыла Ахада ихаҭыԥуаҩ оумашәа ибоит ааха изҭаз иарбанызаалак хьырхәрак дахьақәыршәам.
"Сара сыԥсыҽхеит, избанзар азакәан иацәхьамҵуа ауаҩы иахьатәи ҳсистемаҿ дыԥсыҽуп. Амчра рнапахьы иааргеит уи азы азин змам ауаа. Иааидкыланы ҳзинхьчаратә органқәа лшара рымам. Ахара зхароу данахьырхәым аҳәынҭқарра ушьуеит ауп иаанаго. Иҟоу аҭагылазаашьаҿы сара схы сыхьчар акәхоит аԥсыуала. Ус анакәха смаҵура аансыжьроуп", — иҳәеит иара.
Диит рашәара 12, 1968 ш. Аҧснытәи АССР Аҟәа ақ.
1986 ш. далгеит Н.А. Лакоба ихьӡ зху Аҟәатәи 10-тәи абжьаратә школ.
1986 ш. ин.1989 ш.-нӡа – Асовет Ар рыҟны аррамаҵура дахысуеит.
1992 – 1993 шш. Аҧсны жәлар рџьынџьтәылатә еибашьра далахәуп. Аҧшыхәра авзвод акомандир, Мраҭашәаратәи афронт 1-тәи абригада, 2-тәи абаталион 2-тәи арота акомиссар.
1995 ш. далгеит Аҧснытәи аҳәынҭқарратә университет аекономикатә факультет.
1997 – 2002шш. — Иаарту Аҟәатәи аинститут (ИАА) аректор ицхырааҩ
1999 – 2002шш. — Ауаажәларратә Еиҿкаара "Нарҭаа" ахантәаҩы
2002 – 2006шш. — аҿар-спорттә центр "Аинар" аиҳабы
2005 ш. далгеит Аҧснытәи аҳәынҭқарратә университет азиндырратә факультет
2005 – 2006 шш. — Ауаажәларра-политикатә еиҿкаара "Жәлар Ракзаара Афорум" ацхантәаҩы
2010 ш. — Зҭакҧхықәра ҧку ауаажәларра "Юг-Промстрой" адиректор хада
2013 ш. — Аҧсны жәлар рџьынџьтәылатә еибашьра ветеранцәа рреспубликатә еиҿкаара "Аруаа" ахантәаҩы
Нанҳәа 24, 2014 ш. – Аҧсны Ахада ихаҭыҧуаҩ
Дҭаацәароуп, хҩык ахшара имоуп.
"Леон и-Орден" ианашьоуп.
