АҞӘА, нанҳәа 22— Sputnik. "Джеимс Бонд" изку ашпионтә сага "Бонд 25" арежиссиор Денни Боил апроект аанижьит ҳәа аанацҳауеит РИА Новости.
"Маикл Дж. Уилсон, Барбара Брокколи, Дениел Креиг аҳәамҭа ҟарҵеит Джеимс Бонд изку ашпионтә сага "Бонд 25" арежиссиор Денни Боил апроект аанижьит ҳәа", — аҳәоит Бондиана Twitter аҿтәи адаҟьаҿы.
Денни Боил деицырдыруеит "На игле", "T2: Трейнспоттинг", "Пляж", "Миллионер из трущоб" уҳәа реиԥш иҟоу акинофильмқәа рыла.
Бондиана актәи афильм апремиера "Доктор Ноу" (Dr. No) мҩаԥысит жьҭаара 5 1962 шықәса рзы, Лондон.
Джеимс Бонд, агент 007 ироль ихәмархьеит актерцәа: Шон Коннери, Джордж Лезенби, Роджер Мур, Тимоти Далтон, Пирс Броснан, Дениел Креиг.
