АҞӘА, нанҳәа 22— Sputnik, Бадраҟ Аҩӡба. Жәларбжьаратәи аконференциа "10 лет признания: итоги и перспективы" аатит Аҟәа. Иара мҩаԥыслоит ҩымш рыҩныҵҟа.
Аконференциа алахәылацәа дрыдныҳәалеит Аԥсны Адәныҟатәи аусқәа рминистр Даур Ақаҩба.
"Ҳара ҳақәгәыӷуеит астол гьыжьқәа рлахәылацәа аимак-аиҿак зцу азҵаарақәа шьҭырхып ҳәа, аинтерес змоу аицәажәара мҩаԥыргап ҳәа. Урҭ реихшьаалақәа ирылдыршоит ԥхьаҟатәи ҳапланқәа рышьақәыргыларагьы", — иҳәеит иара.
Аԥсны Ахада Рауль Ҳаџьымба имҩаԥысуа аҭагылазаашьа ахәшьара аиҭеит.
"Арҭ амшқәа рзы еиҭаҳгәалаҳаршәоит нанҳәамзатәи ахҭысқәа. Мрагыларатәи атәылақәа рнапхгаҩцәа агиноцид мҩаԥгамызшәа ҽырмаҳа иҟарҵо башоуп, афактқәа ҵәахышьа рымам", — иҳәеит иара.
Аԥсни Аахыҵ Уаԥстәылеи рызхаҵара аҭоурых документалтә нҵамҭоуп, аҭоурыхҭҵааҩцәа, аполитологцәа, аконфликтологцәа зызхьаԥшыша хҭысуп, иҳәеит атәыла Ахада.
