АҞӘА, нанҳәа 30 — Sputnik. Шәача ақалақь ӡыла еиқәзыршәо аӡеизакырҭақәа рҿы аӡыҭгагақәа ахьыуашәшәыроу иахҟьаны жәанызқьҩык рҟынӡа ақалақьуаа ӡыда иаанхеит ҳәа аанацҳауеит Кубань24.
Ақалақьтә АУН "Аӡыканал" апресс-маҵзура ишаанацҳаз ала авариатә ҭагылазаашьа ҟалеит аӡыҭгагақәа ирыхҟьаны.
"Авариатә ҭагылазаашьа ҟалеит аӡыҭгагақәа ирыхҟьаны. Амикрораионқәа Донскаиа, Пасечнаиа, Мамаика, Винограднаиа рҿтәи 40 рҟынӡа амҩадуқәа рҿы инхо ауаа ӡыда иаанхеит. Уажәазы аӡыржәтә ршоит", — ҳәа аҳәоит адырраҭараҿы.
Аиҭашьақәыргыларатә усурақәа мҩаԥысуеит.
