Ҭемур Кәакәасқьыр ифильм "Аб" Волоколамсктәи акинофестиваль аԥхьахә аиуит

© Фото : Кадр из фильма "Отец" Тимура КвеквескириКадр из фильма "Отец" Тимура Квеквескири
Кадр из фильма Отец Тимура Квеквескири - Sputnik Аҧсны
Анапаҵаҩра
Yandex newsTelegram
XV жәларбжьаратәи арра-патриоттә кино афестиваль "Волоколамский рубеж" мҩаԥысуан нанҳәа 23 - 27 рзы.

АҞӘА, нанҳәа 30 – Sputnik. Аԥсуа режиссер Ҭемур Кәакәасқьыр ифильм "Аб" Волоколамсктәи акинофестиваль аԥхьахә аиуит. XV жәларбжьаратәи арра-патриоттә кино афестиваль "Волоколамский рубеж" мҩаԥысуан нанҳәа 23 — 27 рзы.

"Афильм аҿы иалацәажәоуп иахьатәи аамҭазы ҳауаажәларра рҿы иактуалтәу атема: абацәеи аԥацәеи реизыҟазаашьа апроблема", — иҳәоит афильм арежиссер Ҭемур Кәакәасқьыр.

Афильм асиужет далацәажәо арежиссиор иазгәеиҭеит ари апроблема еснагь аԥсҭазаараҿы аҭыԥ шамоу.

Аԥсуа режиссиор қәыԥшцәа. - Sputnik Аҧсны
Миха Лакрба ифырхацәа аекран аҟны идырбахоит

"Асеиԥш иҟоу азҵаарақәа еснагь, ауаатәыҩса ыҟанаҵ, иҟалоит. Аиҳаракгьы абацәеи аԥацәеи рыбжьара. Акартина астилистика акәзар уи аԥсуа вестерн ҳәа азуҳәар ҟалоит", — иҳәеит арежиссиор.

Афильм "Аб" ҭыхуп Миха Лакрба иновеллақәа рыла. Аусумҭа имаҷымкәа афестивальқәа ирылахәхахьеит, аԥхьахәқәагьы аиухьеит.

"Асеиԥш ақәҿиара аиуеит ҳәа сгәыӷуазма ҳәа уҵаар, дарбанызаалак арҿиаҩы ақәҿиара деигәыӷуазароуп", — иҳәеит иара.

Аконкурстә программа иалахәын 15 усумҭа.

"Афестиваль акыр амҽхак ҭбаауп. Ҳәарада агәахәара ду снаҭоит асеиԥш иҟоу ахҭыс аҿы сахьалыркааз", — иҳәеит Кәакәасқьыр.

XV жәларбжьаратәи арра-патриоттә кино афестиваль "Волоколамский рубеж" мҩаԥысуан нанҳәа 23 — 27 рзы.

Акиносахьа "Аб" афестиваль аԥхьахә ҷыда "За нравственный выбор героя между прощением и местью" анашьахеит.

Ажәабжьқәа зегьы
0