АҞӘА, нанҳәа 31 — Sputnik. Ари аус азы ҷыдала еиҿкааз акомиссиа уи адәныҟатәи анырроуп изыхҟьаз ҳәа ахырҳәаауеит. Уажәы акосмостә ӷба "Союз МС-09" аҟны иҟалаз ахҭыс амзызқәа рыҭҵаара иаҿуп.
Аракета-космостә усхк аҟны имзыз хаданы изхәаԥшуа адәныҟатәи анырроуп ҳәа аанацҳауеит РИА Новости.
"Акомиссиа иҟалаз ҭырҵаауеит. Афото, авидеоматериалқәа ирыхәаԥшуеит. Макьаназ ишьақәыргылам микрометеориту, акосмос иатәу гәамсаму, аханатәтәи амалыр акәу", — ҳәа аҳәоит адырраҭараҿы.
Акосмостә ӷба Адгьыл аҿы агәаҭараани акосмос аҿы ҩымз аҟазараани вба амамызт.
Уаанӡатәи адырраҭарақәа рыла, аҳәынҭкорпорациа "Роскосмос", Аракета-космостә корпорациа "Энергия", аҭҵаарадырратә институт ЦНИИмаш иҟоу аҭагылазаашьа инадҳәаланы акомиссиа ҷыда аԥырҵеит.
Аԥшьаша ауха МКС аҟны аҳауацәцара шымҩаԥысуаз рбеит. Аекипаж аӷба анҭырҵаа ашьҭахь ишьақәдыргылеит "Союз МС-09" ахәҭаҿы ашьшьара шыҟаз. Албаашьҭыга аппарат аҿы акәзар шәарҭа ыҟам. Убри азы аекипаж Адгьыл ахь рыхынҳәра аҭаххар ԥынгыла роуам.
Уажәазы ашьшьара агерметик ҷыда ала иҷабуп.
